Texts

Return to review | Return to list

EtnoPRO: meilä on resurssija

history

August 19, 2025 in 12:09 Нина Шибанова

• changed the text
  Elokuun 1.^–3.^ päivinä Koštamukšešša enši kertua vietettih EtnoPRO: pohjoni šuunta nuorisoissunto. Nuoret 18–35-vuotiset ihmiset tultih kivenlouhijien kaupunkih tutuštumah Vienan Karjalan perintehih ta kulttuurih, paikalliseh liikehtoimintah šekä valmistamah omie projektija kanšanperinnön pohjalla. Monipuolini ohjelma Kolmen päivän aikana Koštamukšen vierahat elettih kojikkahissa taloissa järven rannalla Kotirantaturistikompleksissa. Nuorilla aktivistiloilla valmissettih monipuolini ohjelma ta tovellisilla esimerkkilöillä näytettih, mitein voipi järještyä nykyaikaista liikehtoimintua perintehellisien käsitöijen ta kulttuurierikoisukšien pohjalla. Enšimmäisenä päivänä tilaisuon ošallistujat käytih Karjalan pelletti yritykšeššä, tutuššuttih eikaupallisen Severijajärještön toimintah ta Sreda-ulttuurikehityškeškukšen tiloih. Issunnon toisena päivänä, 2.^ elokuuta, nuoret ihmiset ošallissuttih harjotukših Karjalan tašavallan Miun liikehtoiminta keškukšen piäjohtajalta Jelena Klimčukilta ta Liikehtoiminnan kannatuškeškukšen johtajalta Ksenija Žarovalta. Šiitä issunnon ošallistujat lähettih Vuokkiniemeh juhlimah Il’l’anpäivyä. Runokyläššä hyö šuatih tietyä EtnoPRO: pohjoni šuunta nuorisoissunnon juohattajan Julija Filippovan Liušunvuara-perehprojektista. Ei-kaupallisen Vienajärještön johtaja huolellisešti šäilyttäy muistuo paikašta, mih neuvoštoliittolaini tiijuštelija Vasilii Kirillov 246 päivyä peittäyty šuomelaisista valottajista. Tapuamisešša Julija kerto, mitein šukutalon istorija tuli projektin pohjakši. Projekti kunnivoittau šotamänneššyttä ta yllyttäy kehittämäh etnokulttuuriturismie Karjalašša. Šamoin Julija kerto ainutluatusešta projektista, kumpasen rajoissa luajitah karjalaisie venehie. Matan lopušša nuoret aktivistit käytih Kylätalošša ta Kala ja Marjapojat yritykšeššä. Issunnon viimeni päivä niise oli rikaš. Huomenekšella granttikilpailujen ekspertti ta projektitoimistonhoitaja Jekaterina Isakova kerto keräytynyillä, mistä ta mitein löytyä rahotušta etnoprojektija varoin. ECHOliitonECHO-liiton johtaja ta Pohjosien käsityöammattien koodi keškukšen johtaja Svetlana Kol’čurina jutteli ošallistujien kera šiitä, mitä varoin ta mitein šäilyttyä etnokulttuuriperintyö. Juuri Svetlana kolmen päivän aikana juohatti ta innoššutti nuorie. Hänen joholla ošallistujat opaššuttih šujuvie esimerkkijä käsitöijen ta turismin šäilyttämiseštä, analisoitih Il’l’an-päivä Vuokkiniemeššä ta šuatih käytännöllisie instrumenttija omien projektien valmistamista varoin. Šamoin issuntoh liitty paikallisie yrittäjie. Omista šuavutukšista kerrottih aromattisien tuottehien Lämpimät tuntehet merkin luatija Raksana Zorina ta Pohjoisnaini (Sever’anočka) käsityöpajan johtaja El’vira Molčan. Viime päivän lopušša piettih Karjalaini kruuka aktijo. Kaupunkin keškiaukivolla karjalaisešša tanššissa pyörittih Koštamukšen vierahat ta eläjät. Kolmepäiväni tilaisuš loppu kaunehešti. EtnoPRO: pohjoni šuunta nuorisoisunnon kaikki ošallistujat šuatih sertifikatit ta lahjat järještäjiltä. Pitäy kehittyä projektie Omua mieltä issunnošta šano karjalaisen Hete kanšankollektiivin ta Tuulitartanšširyhmän ošallistuja Maksim Smirnov: – Ošallissuin EtnoPRO: pohjoni šuunta nuorisoissuntoh, šentäh kun milma kiinnoššetah karjalaisen kulttuurin kehityšperspektiivit šeuruavakši kymmenekši vuuvvekši. Šamoin on mielenkiintoista, mitein nuoriso ymmärtäy kulttuuriperintyö. Issunnon aikana ošallistujat tutuššuttih. Ne yštävyšvälit jatutah projektin lopun jälkeh. Monet löyvettih šamanmielisie, juohattajie ta partn’orija. Miušta šemmosie tilaisukšie pitäy viettyä ušiemmin Karjalan eri piirilöissä. EtnoPROissuntoEtnoPRO-issunto anto miula tärkeitä tietoja ta taitoja. Olen kiitollini järještäjillä. Pahakši mielekši tilaisuošša ei riittän karjalaista pakinua, ka onnekši kuitenki oli nuorie ihmisie, ket paistih karjalakši. Olen erikoisen kiitollini petroskoilaisella ošallistujalla, Kalevalašša šyntynyöllä Tatjana Bel’ajevalla šiitä, jotta hiän kannatti miun alotehta ta tuttavuššutti toisie vienankarjalaisih šävelih ta folklorih. Passipo Ol’ga Sulovna Lehtisellä kannatukšešta, lehtimajan antamisešta ta hyvistä šanoista. Šamoin omista vaikutelmista kerto etnomusikologi ta Juuret-etnoklasteri projektin luatija Tatjana Bel’ajeva: – Mie enši kertua ošallissuin EtnoPROissuntohEtnoPRO-issuntoh. Milma miellytti še, jotta issunto piettih Koštamukšešša, ta miula oli mukava tutuštuo kaupunkin tiloih, missä eissetäh etnokulttuuriperintyö, ta tavata ihmisie. Hyvänä yllätykšenä oli še, jotta paikalliset yrittäjät kerrottih omašta kokemukšešta. Šain kirkkahie vaikutelmie Vuokkiniemen kylän pruasniekašša ta Julija Filippovan perehen šeurašša. Lämpimäšti keškuštelin Hete- ta Tuulitar-folkloriyhtyvehien artistojen kera. Toivon, jotta rupiemma ruatamah yheššä vienan-karjalaisien perinnön eistämisen hyväkši. Lämpimäšti kiitän issunnon järještäjie, juohattajie ta ošallistujie! Miušta tätä mainijuo alotehta pitäy jatkua, ta Vienan Karjalan monilla eläjillä še on innon kyven. Haluosin, jotta projekti kehittyis tulovaisuošša. Elokuun 6.^–9.^ päivänä EtnoPRO-issunto jatku Petroskoissa. Tilaisuot mäntih Kanšallisukšien aseita hoitajan federalisen toimiston ta Rosmolod’ož-toimiston kannatukšella Nuoriso ta lapšet kanšallisprojektin Aloveh nuorie varoin ohjelman rajoissa. EtnoPRO-issunnon järještäjinä ollah Karjalan tašavallan kanšallisen ta alovehellisen politiikan ministerijö ta Periodika-kuštantamo.

August 19, 2025 in 12:07 Нина Шибанова

• created the text
• created the text: Elokuun 1.^–3.^ päivinä Koštamukšešša enši kertua vietettih EtnoPRO: pohjoni šuunta nuorisoissunto. Nuoret 18–35-vuotiset ihmiset tultih kivenlouhijien kaupunkih tutuštumah Vienan Karjalan perintehih ta kulttuurih, paikalliseh liikehtoimintah šekä valmistamah omie projektija kanšanperinnön pohjalla. Monipuolini ohjelma Kolmen päivän aikana Koštamukšen vierahat elettih kojikkahissa taloissa järven rannalla Kotirantaturistikompleksissa. Nuorilla aktivistiloilla valmissettih monipuolini ohjelma ta tovellisilla esimerkkilöillä näytettih, mitein voipi järještyä nykyaikaista liikehtoimintua perintehellisien käsitöijen ta kulttuurierikoisukšien pohjalla. Enšimmäisenä päivänä tilaisuon ošallistujat käytih Karjalan pelletti yritykšeššä, tutuššuttih eikaupallisen Severijajärještön toimintah ta Sreda-ulttuurikehityškeškukšen tiloih. Issunnon toisena päivänä, 2.^ elokuuta, nuoret ihmiset ošallissuttih harjotukših Karjalan tašavallan Miun liikehtoiminta keškukšen piäjohtajalta Jelena Klimčukilta ta Liikehtoiminnan kannatuškeškukšen johtajalta Ksenija Žarovalta. Šiitä issunnon ošallistujat lähettih Vuokkiniemeh juhlimah Il’l’anpäivyä. Runokyläššä hyö šuatih tietyä EtnoPRO: pohjoni šuunta nuorisoissunnon juohattajan Julija Filippovan Liušunvuara-perehprojektista. Ei-kaupallisen Vienajärještön johtaja huolellisešti šäilyttäy muistuo paikašta, mih neuvoštoliittolaini tiijuštelija Vasilii Kirillov 246 päivyä peittäyty šuomelaisista valottajista. Tapuamisešša Julija kerto, mitein šukutalon istorija tuli projektin pohjakši. Projekti kunnivoittau šotamänneššyttä ta yllyttäy kehittämäh etnokulttuuriturismie Karjalašša. Šamoin Julija kerto ainutluatusešta projektista, kumpasen rajoissa luajitah karjalaisie venehie. Matan lopušša nuoret aktivistit käytih Kylätalošša ta Kala ja Marjapojat yritykšeššä. Issunnon viimeni päivä niise oli rikaš. Huomenekšella granttikilpailujen ekspertti ta projektitoimistonhoitaja Jekaterina Isakova kerto keräytynyillä, mistä ta mitein löytyä rahotušta etnoprojektija varoin. ECHOliiton johtaja ta Pohjosien käsityöammattien koodi keškukšen johtaja Svetlana Kol’čurina jutteli ošallistujien kera šiitä, mitä varoin ta mitein šäilyttyä etnokulttuuriperintyö. Juuri Svetlana kolmen päivän aikana juohatti ta innoššutti nuorie. Hänen joholla ošallistujat opaššuttih šujuvie esimerkkijä käsitöijen ta turismin šäilyttämiseštä, analisoitih Il’l’an-päivä Vuokkiniemeššä ta šuatih käytännöllisie instrumenttija omien projektien valmistamista varoin. Šamoin issuntoh liitty paikallisie yrittäjie. Omista šuavutukšista kerrottih aromattisien tuottehien Lämpimät tuntehet merkin luatija Raksana Zorina ta Pohjoisnaini (Sever’anočka) käsityöpajan johtaja El’vira Molčan. Viime päivän lopušša piettih Karjalaini kruuka aktijo. Kaupunkin keškiaukivolla karjalaisešša tanššissa pyörittih Koštamukšen vierahat ta eläjät. Kolmepäiväni tilaisuš loppu kaunehešti. EtnoPRO: pohjoni šuunta nuorisoisunnon kaikki ošallistujat šuatih sertifikatit ta lahjat järještäjiltä. Pitäy kehittyä projektie Omua mieltä issunnošta šano karjalaisen Hete kanšankollektiivin ta Tuulitartanšširyhmän ošallistuja Maksim Smirnov: – Ošallissuin EtnoPRO: pohjoni šuunta nuorisoissuntoh, šentäh kun milma kiinnoššetah karjalaisen kulttuurin kehityšperspektiivit šeuruavakši kymmenekši vuuvvekši. Šamoin on mielenkiintoista, mitein nuoriso ymmärtäy kulttuuriperintyö. Issunnon aikana ošallistujat tutuššuttih. Ne yštävyšvälit jatutah projektin lopun jälkeh. Monet löyvettih šamanmielisie, juohattajie ta partn’orija. Miušta šemmosie tilaisukšie pitäy viettyä ušiemmin Karjalan eri piirilöissä. EtnoPROissunto anto miula tärkeitä tietoja ta taitoja. Olen kiitollini järještäjillä. Pahakši mielekši tilaisuošša ei riittän karjalaista pakinua, ka onnekši kuitenki oli nuorie ihmisie, ket paistih karjalakši. Olen erikoisen kiitollini petroskoilaisella ošallistujalla, Kalevalašša šyntynyöllä Tatjana Bel’ajevalla šiitä, jotta hiän kannatti miun alotehta ta tuttavuššutti toisie vienankarjalaisih šävelih ta folklorih. Passipo Ol’ga Sulovna Lehtisellä kannatukšešta, lehtimajan antamisešta ta hyvistä šanoista. Šamoin omista vaikutelmista kerto etnomusikologi ta Juuret-etnoklasteri projektin luatija Tatjana Bel’ajeva: – Mie enši kertua ošallissuin EtnoPROissuntoh. Milma miellytti še, jotta issunto piettih Koštamukšešša, ta miula oli mukava tutuštuo kaupunkin tiloih, missä eissetäh etnokulttuuriperintyö, ta tavata ihmisie. Hyvänä yllätykšenä oli še, jotta paikalliset yrittäjät kerrottih omašta kokemukšešta. Šain kirkkahie vaikutelmie Vuokkiniemen kylän pruasniekašša ta Julija Filippovan perehen šeurašša. Lämpimäšti keškuštelin Hete- ta Tuulitar-folkloriyhtyvehien artistojen kera. Toivon, jotta rupiemma ruatamah yheššä vienan-karjalaisien perinnön eistämisen hyväkši. Lämpimäšti kiitän issunnon järještäjie, juohattajie ta ošallistujie! Miušta tätä mainijuo alotehta pitäy jatkua, ta Vienan Karjalan monilla eläjillä še on innon kyven. Haluosin, jotta projekti kehittyis tulovaisuošša. Elokuun 6.^–9.^ päivänä EtnoPRO-issunto jatku Petroskoissa. Tilaisuot mäntih Kanšallisukšien aseita hoitajan federalisen toimiston ta Rosmolod’ož-toimiston kannatukšella Nuoriso ta lapšet kanšallisprojektin Aloveh nuorie varoin ohjelman rajoissa. EtnoPRO-issunnon järještäjinä ollah Karjalan tašavallan kanšallisen ta alovehellisen politiikan ministerijö ta Periodika-kuštantamo.