Texts

Return to review | Return to list

Vidlas udessündutadas vanhoid pühäkodid

history

August 20, 2025 in 15:53 Нина Шибанова

• changed the text
  “Ühthine azj.^ Pohjoižen puižiden pühäkodiden udessündutamine” -projektan abul Vidlas tehtas kohenduzradoid kahtes vanhas jumalankodiš. Muloi kohenduzradod zavottihe Vidlan pagastan Suren Vasilijan pühäkodiš. Sille om enamb 150 vot. Täl vodel “Ühthine azj.^ Pohjoižen puižiden pühäkodiden udessündutamine” -projektan ühtnikad tartuiba kohenduzradho Pühän Bogorodican sündundan jumalankodiš. Sigä kohetihe katuz da lava. – Katuz vodi, lava hapni. Nügüd’ mö olem kaičenuded pühäkodin pahas olospäi. Nedališ mö tegim kaik tarbhaižed radod, – starinoiči projektan koordinator Lidia Korčinova. Pühän Bogorodican sündundan jumalankodi oli saudud Ojatin randal vodel 1791. 90 vodes päliči sidä kohetihe, a 87 vot tagaze pühäkodi oli saubatud. Sidä kävutadihe varažoman sijas. Täl vodel 14.^ kezakud projektan abul pühäkodiš mäni ezmäine služb sauptandan jäl’ghe. Službale oli kuctud pap’ Piterišpäi – ijerei Aleksandr Nef’odov. Mugažo pühäkodihe oli todud da jättud jumalaižed da tohusenpidimed. – Mö em endištagoi pühäkodid, mö kohendam niid, miše niiš voiži vedäda služboid. Ku necidä ei tehta, ka pühäkodid mureneba lophusai, – sel’genzoiti Lidia. “Ühthine azj.^ Pohjoižen puižiden pühäkodiden udessündutamine” om ičetahtnikoiden projekt. Sikš sen ühtnikad, kudambad radaba erazvuiččiš elon poliš, muga planuičeba ičeze lebud, miše putta ekpedicijaha. Päazjan se om kezal. Toižel vodel kohenduzradoid molembiš pühäkodiš jatkatas. Edemba pühäkodiden elo-ozad rippuba sijaližil eläjilpäi da valdmehilpäi. Rahoid – läz millionad rubl’ad – Pühän Bogorodican sündundan jumalankodin täht keratihe voden. – Mö spasiboičem Piterin agjan Kul’turjäl’gestusen kaičendan komitetad laskendas tehta kohenduzradoid neciš pühäkodiš. Necita azjbumagata em voinuižigoi rata, – sanui Lidia. Vidlan jumalankodiden kompleksaha mülüi völ Smolenskan Bogorodican jumalaižen pühäkodi. Om žal’, no se paloi necen voden vilukus. Täl kezal “Ühthine azj.^ Pohjoižen puižiden pühäkodiden udessündutamine” -projektan ühtnikad radaba Venäman ühesas regionas, 43 pühäkodiš. Hö tegeba suren panendan meiden man unikaližiden puižiden muštpachiden kaičendaha.

August 20, 2025 in 15:53 Нина Шибанова

• created the text
• created the text: “Ühthine azj. Pohjoižen puižiden pühäkodiden udessündutamine” -projektan abul Vidlas tehtas kohenduzradoid kahtes vanhas jumalankodiš. Muloi kohenduzradod zavottihe Vidlan pagastan Suren Vasilijan pühäkodiš. Sille om enamb 150 vot. Täl vodel “Ühthine azj.^ Pohjoižen puižiden pühäkodiden udessündutamine” -projektan ühtnikad tartuiba kohenduzradho Pühän Bogorodican sündundan jumalankodiš. Sigä kohetihe katuz da lava. – Katuz vodi, lava hapni. Nügüd’ mö olem kaičenuded pühäkodin pahas olospäi. Nedališ mö tegim kaik tarbhaižed radod, – starinoiči projektan koordinator Lidia Korčinova. Pühän Bogorodican sündundan jumalankodi oli saudud Ojatin randal vodel 1791. 90 vodes päliči sidä kohetihe, a 87 vot tagaze pühäkodi oli saubatud. Sidä kävutadihe varažoman sijas. Täl vodel 14.^ kezakud projektan abul pühäkodiš mäni ezmäine služb sauptandan jäl’ghe. Službale oli kuctud pap’ Piterišpäi – ijerei Aleksandr Nef’odov. Mugažo pühäkodihe oli todud da jättud jumalaižed da tohusenpidimed. – Mö em endištagoi pühäkodid, mö kohendam niid, miše niiš voiži vedäda služboid. Ku necidä ei tehta, ka pühäkodid mureneba lophusai, – sel’genzoiti Lidia. “Ühthine azj.^ Pohjoižen puižiden pühäkodiden udessündutamine” om ičetahtnikoiden projekt. Sikš sen ühtnikad, kudambad radaba erazvuiččiš elon poliš, muga planuičeba ičeze lebud, miše putta ekpedicijaha. Päazjan se om kezal. Toižel vodel kohenduzradoid molembiš pühäkodiš jatkatas. Edemba pühäkodiden elo-ozad rippuba sijaližil eläjilpäi da valdmehilpäi. Rahoid – läz millionad rubl’ad – Pühän Bogorodican sündundan jumalankodin täht keratihe voden. – Mö spasiboičem Piterin agjan Kul’turjäl’gestusen kaičendan komitetad laskendas tehta kohenduzradoid neciš pühäkodiš. Necita azjbumagata em voinuižigoi rata, – sanui Lidia. Vidlan jumalankodiden kompleksaha mülüi völ Smolenskan Bogorodican jumalaižen pühäkodi. Om žal’, no se paloi necen voden vilukus. Täl kezal “Ühthine azj.^ Pohjoižen puižiden pühäkodiden udessündutamine” -projektan ühtnikad radaba Venäman ühesas regionas, 43 pühäkodiš. Hö tegeba suren panendan meiden man unikaližiden puižiden muštpachiden kaičendaha.