Texts
Return to review | Return to list
Kaičem Süvärin agjan pühäkodid
history
August 20, 2025 in 16:08 Нина Шибанова
- created the text
- created the text: Ristitud ihastuba pusepän Art’om Stepanovan radoihe. Jäl’gmäižes aigas hän tegi äi čudokahid puižid artobjektoid. Iče mastar’ om Oloncan tetabiden sauvojiden jäl’genik. Art’omale oma mel’he kodiman puarhitekturan muštpachad. Hän tahtoib udessündutada arhitekturhel’mid – pühäkodid, miččed kadoiba sen taguiči, miše ristitud jätiba homaičemata ezitatoiden jäl’gestust. Art’om Stepanov iče keradab tedoid i sase edahaižidenno pühiden sijoidennoks, kus völ voib nägištada hengeližid tegosatusid, miččid saudihe Süvärin agjan igähižiden eläjiden pakičendan mödhe. Tantoi Art’om kacui Georgii Pobedonoscan endevanhan hraman kellonsijan Karhilas. Hän oigenzi fotokuvan i kirjuti: “Mindai ihastoitab se, kut om čaptud pühäkodi, naku miččed mastarid oliba! Äjak vot mäni, a nece čoga tähasai kaičihe!..”. Äjad toižed ristitud, niiden keskes endištajad-ki, arhitekturan muštpachiden čomuden tundijad, ihastuba kuluhu pühäkodihe vepsläižes küläs, mitte sündui XV voz’sadal. Sikš minä pakičen ristituid, kudambiden vepsläižed jured oma Karhilaspäi da kudambiden südäimed kibištaba arhitekturižen hel’men tulijas aigas, abutada kaita pühäkodid, mittušt ei ole oficialižiš lugetišiš. Läheližel aigal mö pidäm tauguhun, tulgat!