Texts
Return to list | edit | delete | Create a new | history | Statistics | ? Help
Sem’onov P’otr . Kui minä opastuin ajamah raččahin
Sem’onov P’otr
Kui minä opastuin ajamah raččahin
Livvi
Konzu
myö elimmo linnas , joga päiviä opastuimmo , vaiku pyhinpäivin da pruazniekkoin kävyimmö kižoih da elostimmo vellien kel .Kerran tuatto sanoi :
– Vahnembil lapsil pidäy opastuo ajelemah raččahin . Heidy pidäy työndiä opastumah .Minä olin kaikis nuorin da kyzyin :
– A minule voibigo opastuo ?
Tuattoni sanoi :
– Sinä pakut .
Minä rubein kyzymäh händy , ku minuugi opastettas da vähäs en itkustannuhes .Tuattoni sanoi :
– Sit , hyvä , sinuugi työmän . Vaiku musta , älä itke konzu pakut .
Ken ni kerdua ei paku hevol selläspäi , se ei opastu ajelemah raččahin .
Kolmanpiän tulduu meidy kolmie viettih opastumah ajelemah raččahin .Myö menimmö suurile krinčazile , a niilöi myö piäzimmö pienele krinčazele .A krinčazen ual oli ylen suuri perti .Pertis lattien sijas oli čuuruu .Sidä pertti myö ajeltih raččahin herrat da buarin’at dai meijänmoizet brihačut .Se oligi raččahin ajelemah opastundukohtu .Sie ei olluh ylen valgei , nenäh tuli heboloile .Sie kuului kui pavvutetah plettilöil da iätäh heboloile .Hevot kabjoil perrettih puuhizii seinii vaste .
Enzimäi minä pollästyin da en voinnuh nimidä nähtä .Jälles meijän kazvattai kučui raččahin ajelemah opastajua da sanoi :
– Vot nämile brihaččuloile andakkua hevot . Hyö ruvetah opastumah ajelemah raččahin .
Raččahin ajelemah opastai sanoi :
– Hyvä .
Jälles häi kačahtih minuhpäi da sanoi :
– Tämä on ylen pieni .
A kazvattai sanoi :
– Häi uskaldi itkemättäh olla , konzu pakkuu .
Raččahin ajelemah opastai muhahtih da lähti iäres .Sit vietettih kolme hebuo sadullioinneh .Myö jaksoimmo šinelit da pordahii myö heityimmö heboloin huonukseh .Raččahin ajelemah opastai pietti hebuo nuoras , a minun vellet ajeltih hänes ymbäri .Enzimäi hyö ajeltih astuttajen , jälles ruogehel .Sit vietettih pikkaraine heboine .Se oli ruskei da händy sil oli lyhendetty .Sidä nimitettih Červončík .Opastai nagrajen sanoi minule :
– Nu , kavalieru , istukkuattokseh .
Minä ihastelimmos dai varain , da opin pietellä varavuo , ku sidä niken ei nägis .
Minä hätken opin pujoittua jalgu jalguimeh , ga nikui en voinnuh , sendäh , gu minä olin lijan pieni .Sit opastai otti minuu da istutti .Häi sanoi :
– Herru ei ole jygei — funtua kaksi , enämbiä ei paina .
Enzimäi häi pietti minuu käis .Ga minä näin : vellie ei pietetty , minä tahtoin , ku minuugi piästettäs .Häi kyzyi :
– A ettogo varua ?
Minä ylen äijäl varain , ga sanoin : en varua .Minä enämbäl varain sendäh , ku Červončik ainos painoi korvii .Minä duumaičin : se on tuskevuksis minun piäle .Opastai sanoi :
– Nu , kaččokkua , älgiä pakkukkua !Häi piästi minuu .
Enzimäi Červončik meni astujen da minä pyzyin oigieh .Ga saduli oli libei , minä varain livestyö .Opastai kyzyi minuu :
– Nu , midäbo , etgo varua ?
Minä vastain hänele :
– En .
– Nu , sit juoksemmo ruogehtu ! opastai rubei plokuttamah kiele !
Červončik lähti juoksemah piendy ruogehtu i minuu rubei hytkyttämäh .Ga minä olin vaikkani da opin rippuo sadulis .Opastai kiitti minuu :
– Olet aiga kavalieru . Hyvä !
Minä olin ylen äijäl ihastuksis .
Silkeskie opastajan luo tuli hänen dovariššu da rubei hänen kel pagizemah .Opastai heitti minun vardoičendan .Sit kerras minä livestyin sadulin bokkah .Minä tahtoin eistyö , ga nikui en voinnuh .Tahtoin kuččuo opastajan , ku häi azettas , ga varain huigiedu , olin vaikkani . Opastai ei kaččonuh minuhpäi .
Červončik ainos juoksi ruogehtu , sendäh minä vie enämbäl eistyin bokkah .Minä kadaltimmos opastajahpäi i duumaičin : häi avvuttau minuu , a häi yhtytottu pagizi iččeh dovarišan kel , ei kaččonuh minulipäi da kiitti minuu :
– Moločču , kavaler !
Minä jo olin vouse bokalleh da äijäl pöllästyin .Minä duumaičin : jo täh häviin .No kirguo minul oli huigei .Červončik pudahutti minuu vie kerran , minä kaikkineh livestyin da pakuin muale .Sit Červončik azetui , opastai kačahtih i nägi — Červončikan selläs minuu ei ole .
Häi sanoi :
– Sehäigi pidi !Minun kavalieru vierähtih , da tuli minun luo .Ku minä sanoin , en sattanuhes , häi mulieloitti da sanoi :
– Lapsien rungu on pehmei .
A minule hinnoitti itkie .Minä kyzyimmös uvvessah hevole selgäh dai minuu istutettih .Enämbiä minä en pakkunuh .Muga myö kävymmö raččahin ajelemah kaksi kerdua nedälis .Terväh minä opastuin hyvin ajelemah da en varannuh nimidä .
Kui minä opastuin ajamah raččahin
Livvi
–
–
–
–
–
–
–
–
–
–
–
–
–
Tolstoi, Lev
Как я выучился ездить верхом
Russian
—
—
—
—
—
—
—
—
—
—
—
—
—