Texts
Return to list | edit | delete | Create a new | history | Statistics | ? Help
Sem’onov P’otr . Korbivaroi da sen poigazet
Sem’onov P’otr
Korbivaroi da sen poigazet
Livvi
New written Livvic
Suarel
korbivaroi azui ičelleh pezän .Konzu roittihes poigazet , se rubei suattamah niilöi suarelpäi muale .Enzimäi se otti kynzih yhten poigazen da lendi senke pialiči meres .Konzu vahnu korbivaroi piazi keskinerele , se vazyi , rubei harvenbah viuhkuttamah siibii da duumaičči :
– Nygoi mina olen vagevy , a nece on heikko . Mina suatan sen pialici meres .A konzu se roihes suuri da vägevy , a minä roimmos heikko da vahnu , sit se juohtuttaugo minun ruavot da rubietgo kandelemah minuu sijas toizeh ?
Vahnu korbivaroi kyzyi poigastu :
– Konzu minä roimmos heikko , a sinä roittos vägevy , rubietgo
sinä kandelemah minuu ?Sano tottu minule !
Korbivaroin poigaine varai , agu tuattah lykkiäy sidä mereh da
sanoi :
– Rubien .
Ga vahnu korbivaroi ei uskonuh poiguadah da piästi sen kynzis .
Korbivaroin poigaine gu kakkaroine kirboi alah da uppoi mereh .Vahnu korbivaroi yksinäh lendi poikki meres järilleh iččeh suarele .Sit se otti toizen poigazen da myös lahti kandamah sidä piäliči meres .Se uvvessah väzyi keskimerel da kyzyi poigua , rubietgo se vahnua tuattua kandelemah sijas toizeh .Poigu pöllästyi , ku tuattah
ei lykkiäs sidä da sanoi :
– Rubien .
Tuattah ei uskonuh ni tädä poigua da lykkäi sen mereh .Konzu vahnu korbivaroi lendi järilleh omah pezäh , sille jäi yksi poigaine .Se otti jälgimäzen poijan da lendi senke piäliči meres .Konzu se
lendi meren keskele , väzynyh kyzyi poiguadah :
– Sinä rubietgo , konzu vahnanen , syöttämäh minuu da kandelemah sijas toizeh ?
Poigaine vastai :
– Ei , en rubie .
– Mindähbo ? kyzyi tuattah .
– Konzu sinä roittos vahnu , a minä roimmos suuri , sit minul roihes oma pezä da omat poigazet . Sit minä rubien syöttämäh da kandelemah omii lapsii .
Vahnu korbivaroi ovvosti :
– Tämä toven sanoi .Sidä periä minä ponnistammos da suatan sen meren tuakse .Vahnu korbivaroi ei piästänyh poigastu , se kaikel väli rubei
huškuttamah siibii da suatoi poijan rannale , ku se azus ičelleh pezän
da kazvattas lapsii .
Korbivaroi da sen poigazet
Livvi
New written Livvic
–
–
–
–
–
–