Texts
Return to list | edit | delete | Create a new | history | Statistics | ? Help
Alina Gapejeva. Kaskesniemen deputuattu
Alina Gapejeva
Kaskesniemen deputuattu
Livvi
New written Livvic
Kezäl
äijis karjalazis kylis pietäh pruazniekkoi .Priäžän piirin pieni , ga kuulužu Kaskesniemen kylä sežo pidi omassah pruazniekan .Sen valmisti paikalline eläi Larisa Dmitrijevna Saveljeva .
Inehmine yhtisti kerras kaksi merkipäiviä – kylän pruazniekan da omassah 70-vuozipäivän .Kaskesniemeh sinä piän kerävyi paikallistu eläjiä , duaččuniekkua , lähi kylis eläjiä da petroskoilastu rahvastu .
Kaskesniemi sijoitui hil’l’ah da kauneheh kohtah järvirandah .Talvel nämmien kodiloin piäl vaigu nelläs truvas nouzou savu , dostalit koit seizotah tyhjälleh .Vie 1950-60 tiä ruadoi Avangard-zavodu , oli kul’tuurutaloi , lapset opastuttih kaksikerroksizes školas .Puolensuan vuvven peräs kylän elos ruttoh muutui : škola salvattih , zavodu heitti ruandan .Sen konzulienne olemas olendua mustoitetah puolelleh riičityt kirpiččyseinät .Ruavon ečos äijät lähtiettih toizih kohtih .Kezäkse tänne tulou rahvastu veresty ilmua hengittämäh , kartohkua istuttamah , mečäs marjua da siendy keriämäh .
Larisa Dmitrijevnua kyläs tutah kaikin da kunnivoittajen sanotah stuarostakse da "tulihizekse naizekse ".Inehmine eläy täs kyläs ijän kaiken , tänne on rodivunnuh , täs kazvatti kaheksa lastu , ruadoi Avangard-zavodan muatalovuos , siepäi piäzi eläkkehele .Nikonzu hänel ei himoitannuh lähtie elämäh toizeh kohtah .Aigu menöy , lapset kazvettih da lähtiettih suureh mieroh .Kazvau 13 bunukkua .
Karjalaine kirmei naine vuozih huolimata ainos on Nuožarven kylänevvoston deputuatannu da paikallizen yhteiskunnallizen haldivon piälikönny .Jylgien deputuatan kehoitukses da valdivon kannatuksel kyläh järvirandah on luajittu huogavundukohtu – čuruandumäit lapsile da voimistelulaittehet ruavahile , on luajittu tulipalolaituri , azetettu tulet pihoih .Aktiivine naine pidäy huoldu paikallizes kalmužimas , luadiu sie puhtahuon , talvel vie pidäy silmäl kylän kodiloi , kuni ižändät ei tulla .
Deputuatan korgiedu čiinuu häi ei ylbeile , ga deputuatan vellalližuksii pidäy vastuonalazinnu .Häi ruadau sen hyväkse , ku elaigu kyläs rodies parembi da kyläläzet rahvas pyzyttäs da ruattas yhtes .
Kylän pruazniekan valmistandas da piendäs Larisa Dmitrijevnale autettih kyläläzet , omahizet , tuttavat .Perehelleh pastettih piiruadu , pandih samvuaru , kučuttih konsertah artistoi rinnas olijas kyläspäi da kaikin yhtes piettih iluo .Pruazniekas kuului äijy Larisa Dmitrijevnale sanottuu lämmiä sanua da kiitändiä hyväs ruavos da rahmannožuos .Naine sai Zakonoinhyväksyndykerähmön da paikallizen haldivon kiitändykirjazet panokses Priäžän piirin da Nuožarven kyläkunnan kehittämizeh .
Ga elaigui matkuau ielleh da tuliekse ollah suuret pluanat .
– Myö tahtommo luadie kaivot , sendäh ku juodavua vetty kyläs ei ole . Syömisty varustajes myö otammo vetty järvespäi , a järves on liivua , sanoi Larisa Dmitrijevna .
Omas ruavos Larisa Saveljeva ei sua palkua , penziigi hänel on ihan tavalline , ei kui suuril deputuatoil .Ga omal ezimerkil häi ozuttau , ku on mostu ristikanzua , kuduat tahtotah luadie oma elaigu da oma eländykohtu parembakse .
– Minä olen ylen hyväs mieles , olen ylbei , ku elän moizes pikkarazes , ga moizes aktiivižuol kuulužas kyläs – Kaskesniemes , sanoi kylän pruazniekas eräs petroskoilaine duaččuniekku .
Kaskesniemen deputuattu
Livvi
New written Livvic