Texts

Olʾga Smotrova. Tiedoloinpäivänny Heččulas

corpus: Journalistic texts

Source:

Oma mua. № 34, 2025, p. 7

Olʾga Smotrova

Tiedoloinpäivänny Heččulas

Livvi
New written Livvic

Tänä vuon
1. syvyskuudu
Heččulan alguškolah-päivykodih tuli
opastumah
kaksitostu
lastu
Heččulas da
Lamboispäi. Nelli
lastu
opastuu
školas
, kaheksa
ollah
päivykoin
kazvatit
, kaikin
ollah
yhten
levon
ual.

Heččulan puuhine
škola
on
aiga
pieni
da
vahnu
, ga
puhtas
da
kodikas. Rouno
ku
yhtes
perehes
sie
opastuu
kaksitostu
lastu
: nelli
školaniekkua da
kaheksa
päivykoin
kazvattii
. Kaksi
lastu
, sizärekset
Agata da
Adelina, eletäh
Lambois, dostalit
ollah
Heččulan lapsii
. Yhtes
opastuspertis
opastutah
toizen
, kolmanden
da
nelländen
kluasan
opastujat
, enzimäzeh
kluassah
tänä vuon
nikedä
ei
tulluh
. Toizes
pertis
kižatah
päivykoin
lapset
. Päivykodih
Heččulas otetah
jo
puolitostuvuodizii lapsukkazii
.
– Täs
on
minun
vuitti
laudua
, minule
täs
kirjutetah
harjaituksii
, tämä
on
minun
Il’l’u-vellen vuitti
, sellitti
opastuksen
järjestysty
nelländen
kluasan
opastui
Kol’a Fotejev.
Alguškolan
opastajannu
on
Irina Ivanovna Jevsejeva, häi
opastau
lapsile
karjalan
kieldygi, kudai
täs
školas
on
ližäurokannu.
Kezäl
opastujien
vahnembat
omil
vägilöil
luajittih
kivizen
troppazen školan
veriässäh
, se
ylen
äijäl
čomendi
školan
pihan
. Uudizen
kerras
huomai
pruazniekkah
tulluh
Kanzallizen
da
alovehellizen
poliitiekan
ministerstvan
ruadai
Jelena Migunova, kudai
sežo
opastui
täs
Heččulan školas
. Häi
hyvitteli
opastajii
da
opastujii
uvven
opastusvuvvenke
da
toi
lahjat
joga
lapsele
. Ministerstvu
jo
äijän
vuottu
kannattau
Heččulan školua
, joga
vuottu
sen
ruadajat
kävväh
školah
Tiedoloinpäivänny kaččomah
pruzniekkua da
pagizemah
školan
ruadajienke
.
Heččulan škola
tänäpäi
tarviččou
kohendamistu
, enne
kaikkie
pidäs
muuttua
levo
, uvvistua
kuda-midä tehniekkua
.