Texts
Return to list | edit | delete | Create a new | history | Statistics | ? Help
Aleksandra Lesonen. Koštamuš täytti 42 vuotta
Aleksandra Lesonen
Koštamuš täytti 42 vuotta
Karelian Proper
New written karelian
Šyyškuun 13. päivänä
kivenlouhijien kaupunki vietti oman šyntymäpäivän .
Karjalaisen kulttuurin Viena-šeura järješti kaupunkin piäaukivolla omaluatusen tilan , missä koštamukšelaiset tutuššuttih karjalaiseh kulttuurih .Pruasniekan aikana tila oli tosi šuosittu .
Šeuran ošallistujat kostitettih vierahie čäijyllä ta sriäpnöillä , lämmitettih Jemel’a-kiukua , missä paissettih kalittoja .Muasteri-opissa ušiet lapšet mielelläh luajittih karjalaisie piirakkoja .Karjalaiset vietettih kaikilla halukkahilla perintehellisie käsityö - ta kielimuasteri-oppija , kerrottih rahvahalla omašta toiminnašta .
– On oikein hyvä , jotta pruasniekka mänöy šyyškuun alušša , konša pihalla on lämmintä ta aurinkoista , a luonnošša on äijän kirkkahie värijä ! Tämä päivä lahjotti meilä positiivie , yhtevyön iluo , tapuamisie yštävien kera ta uušie vaikutelmie !Kiitämmä kaikkija , ket oltih meijän kera tänä päivänä , šanottih Viena-šeuran ošallistujat .
Pruasniekan piätapahtumina oltih juhlastolalaulun Pripevajuči-festivali ta Mujehen festivalin šuurlähetyštö .Pripevajuči-festivali elvyttäy meijän vanhempien , ämmöjen ta ukkojen yhtehisien pruasniekkastolien ta laulamisen perintehie .Internatsional’naja-kavulla šijottujalla kävelykujalla järještäjät ašetettih pitkä stolarivi , mih istuuvuttih kaupunkilaiset .Šemmosen juhlastolan aikana šai laulua ta tanššie kučuttujen artistojen kera .
Šamoin pruasniekan vierahat šuatih käyvä interaktiivisešša Mujehen festivalin šuurlähetyštö-maistajaistilašša .Koštamukšelaiset ta kaupunkin vierahat šuatih tietyä ainutluatusen mujehruuvvan reseptistä Mujehen festivalin šuurlähetyštön keittijömeštariloilta - V Karelii Jest’ -etnokulttuuriprojektin ohjuajalta Ol’ga Belonogovalta ta Moskovan VDNH :n-V Karelii Jest’ -tilan kokilta , Keittijömeštarien taistelu -šoun voittajalta Mihail Gavrilovilta .Ennein pruasniekkua kaupunkilaiset alettih kerätä Koštamukšen eri paikkoih šivottuja makujuttuja .Niijen avulla Mihail Gavrilov kekši reseptin valituista ainehošista , a Ol’ga Belonogova esitti šen .
Pruasniekalla koštamukšelaisie onnitteli "Karjalan pelletin " piäjohtaja , Karjalan lakienluajintakokoukšen deputatti Maksim Vorobjov .
– Järještäjät Sreda-keškukšešta valmissettih meilä rikaš ta mielenkiintoni ohjelma . Pruasniekka kešti iltah šuaten .Enši kertua meijän kaupunkissa vietettih Vierahanvaraisuon ta stolalaulun Pripevajuči-festivali ta Mujehen festivalin šuurlähetyštö .Kirkkahat tapahtumat on järješšetty Severstal’-yhtijön kannatukšella Pohjosen hyvyš -hyvänluajintašiätijön Alovehien luomistyö -granttikilpailun rajoissa .Onnittelen kaikkija pruasniekalla !Tulkah meijän Koštamuš kaunehemmakši , ukavammakši ta kojikkahammakši !Toivotan eläjillä tervehyttä , onnie ta oikein hyvyä mieltä .
Koštamuš täytti 42 vuotta
Karelian Proper
New written karelian