Texts
Return to list | edit | delete | Create a new | history | Statistics | ? Help
Mehed L’udmila . Čalnalaini pereh näyttäy, mitein elyä luonnonyštävällisešti
Mehed L’udmila
Čalnalaini pereh näyttäy, mitein elyä luonnonyštävällisešti
Karelian Proper
New written karelian
Jokahini
muovipušši , jokahini pullo , jokahini pläkkipurkki , jokahini hylätty verkko on kalojen , lintujen ta eläimien kuoloma .
Meijän elämäššä joka päivä tulou vaštah ihmisen vaštuuttomuon jälkitulokšie .Meijän järvet , rannat ta meččät ollah täyvet kymmenie kiloja roškua .Ta kaikki tämä tappau elämyä .
Kalaššušverkot , kumpaset on jätetty veteh tahi rannalla , kurissetah lintuja ta eläimie – ne ševotah niih ta kuollah tuškallisešti .Muovi , pakkaukšet ta maimat luullah ruuvvakši – šekä kalat jotta imettäjät nielläh niitä .Muistakkua : roška ei kavo .Še jiäy tänne – ta tappau niitä , kumpaset ei voija šuojella iččie .
Šentäh on iloista kertuo aktiivisešta pereheštä , kumpani eläy Čalnan kyläššä .
Anastasija Strem ta koko hänen pereheh ollah uupumattomie ekovolont’orija .
Još pereh lähtöy meččäh tahi järvellä viettämäh aikua , hyö otetah aina mukah šäkkijä roškien keryämistä varoin .Koko pereh keryäy aina rošat ja viey ne roškašäilijöih .
Lisäkši Nast’a käy aikaseh huomenekšella kyläššä keryämäššä al’umiinipurkkija .Vet kaiken "rošan " voipi muuttua rahakši , ta kaikki tienarut rahat tämä perhe lahjottau Petroskoin eläinšuojalla .
Poika Timur , kuuvvešluokkalaini , on muamoh kero monta kertua ošallistun ekokilpailuih ta šuanun kunnivokirjoja ta lahjoja ympäristöministerijöltä .
Timur Čalnašta on ollun piähenkilönä videošša "On tärkietä tietyä – jättiet pitäy lajitella !" ta oli ensimmäini alovehella , ken šai erityispalkinnon .
Äšen pieni Son’a tietäy , jotta rošat pitäy lajitella , ta aina auttau muamuo .
Perehen isäntä Aleksei viey kerätyt "rošat " kierrätykšeh Petroskoih .
Hyö ei pietä iččie miteinkänä erityisinä – hyö vain halutah auttua luontuo , šiivota turhasta ta šäilyttyä ainutluatuni luonto tulijie šukupolvie varoin .
Čalnalaini pereh näyttäy, mitein elyä luonnonyštävällisešti
Karelian Proper
New written karelian