Texts
Return to list | edit | delete | Create a new | history | Statistics | ? Help
Luaji oma kašvikeräelmä
Luaji oma kašvikeräelmä
Karelian Proper
New written karelian
Kultašykyšy on
hyvä aika kerätä heinie , pelto - ta puutarhakukkie , puijen ta penšahien lehtijä kašvikeräelmyä varoin .
Kerron , kuin oikiella tavalla ta helpošti šuat kerätä oman kašvikeräelmän .Ennein , kuin rupiet luatimah šitä , varušša :
veičči , šakšet ;
paperi , vihko tahi vanha lehti , min šivujen välissä kašvit kuivutah ;
paino ;
al’pomi tahi kanšijo , missä rupiet pitämäh kašvija ;
liima ;
nimilaput .
Kaikkien heinien keruun piäšiäntönä on luatie tätä työtä kuivana päivänä .Elä mäne keryämäh kašvija , još pihalla on märkä tahi još on vielä kašše .Muitein ne kašvit kuivutah pitemmän aikua ta šäilytäh pahoin .
Voit ottua keruumatkah kanšijon , kunne lat’t’uat kukkie ta lehtijä .Näin šie šuatat ne perillä hyväššä kunnošša .Muissa , jotta kašvikeräelmyä varoin pitäy kerätä virkeitä kašvija eikä kuihtunuita .
Keryämisen jälkeh kašvit pitäy muokata .Puissa niistä huolellisešti liika multa , ašeta kašvit levälläh , ka šamalla staraiče šäilyttyä niijen luonnollini näkö .
Kašvija voipi kuivata eri keinoin .Kaikista tunnetuin tekniikka on kuivata kašvija kirjan tai aikakaušlehen šivujen välissä painon alla .Näin kašvit kuivetah tašasina ta niitä on helppo šäilyttyä .Ka tämän kuivuamiskeinon pahana puolena on še , jotta šillä tavalla voit pilata kirjan .Kašvikeräelmänki voit tuhota , još kuivatat kašvija tällä keinoin liijan pitän aikua .
Konša kašvit on kerätty , muokattu ta kuivattu , ne pitäy panna al’pomih tahi kanšijoh .Kiinitä kašvit paperih ta muissa , jotta yhellä šivulla on parempi kiinittyä vain yksi kašvi .Näin šen laijat ei törrötetä al’pomista uloš .Kašvija kiinittyässä käytä liimua ta paperin kaitasie palasie .Šivun oikie alanurkka jätä puhtahakši ta tyhjäkši .Šiih kirjuta kašvin nimi , paikannimi , mistä še oli kerätty ta muuta tietuo .
Luaji oma kašvikeräelmä
Karelian Proper
New written karelian