Texts
Return to list | edit | delete | Create a new | history | Statistics | ? Help
Valentina Libertsova. Baijutuspajo kalevalazen metrikan mugah
Valentina Libertsova
Baijutuspajo kalevalazen metrikan mugah
Livvi
New written Livvic
"Baijutuspajo " on
parahii Vladimir Brendojevan runoloi , ga nikonzu en smiettinyh , gu se on kirjutettu yhtenjyttyzel "Kalevalan " da eeppizien pajoloinke nellilajizel horeil . Da sen ližäkse , painoloin vaihtelu tavulois on ylen oigei .Kahteskymmenes nelläs runorivis vastavuu vai kaksi pirrihiedu (rinnai kaksi tavuu painottah ) rivilöin lopul da kolme sydämes .
Enzimäine rivi loppehes kolmetavuhizel sanal diminutiivujoundehel : linduzeni , yheksändes loppehes "pitkäl " kolmetavuhizel substantiival hilʹlʹakkazih .
Vie kolmen runorivin nʹokil on pitkät nellitavuhizet yhtyssanat-substantiivat , ga niis sivupaino on sanan toizen ozan enzimäzel tavul , sit horein ritmu ei murene :
Lyyli , lyyli , lemmenlapsi …
Magua , minun valgeipiähyt …
Kazvat , roittos leivänkylväi …
Toizen da jälgimäzen rivilöin sydämes pirrihii roihes kolmetavuhizien sanoin diminutiivujuondehienke käytändän täh : päiväine , käbyzeni .Net azutah runon kuulundu pehmiembäkse .Enämbiä kalevalazen metriekan keskustustu runos ei ole .
Eeppizien pajoloin keriäjät , tutkijat dai iče pajattajat mainitah , gu ennevahnas naizet toiči uinotettih pienii lapsii laululoil täyzi-igäzien syväindölöinke , kuni lapsi ei ellendännyh , midä hänele pajatetah .Vladimir Jegorovič vikse sai kuulta moizii pienete omas muamas , libo buabas , libo hierun naizis dai se kuvavui täs hänen runos .
Syväindyö myö Vladimir Jegorovičan "Baijutuspajo " on ihan lapselline , folklouru - dai kirjuttajan alguainehii yhtistäi .Sen tovestamizekse livailin Valentina Mironovan kitjutetun Vieljärven čupun folklouruperindöt-kogomuksen , luvin kaksi sih painettuu rahvahan rahvahan baijutuspajuo , kuduat sežo on kirjutettu XX vuozisual (1943 da 1992 vuvvet ).Ritman puoles net enämbäl mustoitetah tavallizii venʹan baijutuspajoloi , enimät runorivit ollah rifmuittu , tavuloin lugumiäry rivilöis ei ainos ole yhtenjyttyine .Juandua nellirivizile paikoile (strofile ) eigo ole folklourutekstas , eigo Brendojeval .Runoilii käyttäy puarallizii rifmoi , ga ei zobottei , gu net oldas ihan tarkat da rikkahat .Mugahäi ongi , konzu myö uinotammo lastu , pujoittelemmo sanoi , gu helmii langah , eččimmö iäni - da sanasobuloi , kus vai puuttunou , runorivilöin sydämesgi .Yhtekse , se alevuttau lastu , toizekse ei anna uinota vanhembal , konzu lapsi kodvakse meldavuu , keskevyttäy , elostuttau vahnembua .En voi panna nengozii iänisobuloi alliteraciekse , sentäh gu niis ei kerävy täyzi kuva :
… ammui muatah piäsköit , kägöit ,
kondii mečäs undu nägöy .
Tuatan abu , muaman turvu ,
älä , kuldu , muates survoi .
Nengoine sanoin da iänien pujoittelendy perustau yksiluaduzen vaikutuksen , alevuttau lastu , avvutau uinota .
Baijutuspajoloin tärgienny tavallizennu alguainehennu ollah sulavat nʹapukan nimet .Brendojev käyttäy rahvahan annetuttuloi sanoi : piäsköi , käbyzeni , liipoi-linduzeni da yhtyssanoi-substantiivoi : lemmenlapsi , valgeipiähyt , leivänkylväi .
Baijutuspajot , kui kai lapsien folklourutevokset , tuvvah kazvatandumieletgi .Baijutuspajon tavoiteh on kehittiä lastu uneh , sentäh gu se on ylen tärgei ristikanzan kazvandah niškoi .Täs runos Vladimir Brendojev ozuttau luonnon ezimerkit : 2. rivi -… päiväine jo muata meni… , 8.-10. rivit … viertih muate koirat , kažit , ammui muatah piäsköit , kägöit , kondii mečäs undu nägöy .Toizekse , mainiččou vanhembien ahkeroičendät : 13. rivi - Tuatan abu , muaman turvu… , 19. rivi - muamo kattau , älä kylmä .Kolmandekse , äijy sijua on annettu tulien elaijan tuloksien sellityksile .Voibi nähtä , kui kai uskaldukset dai nevvot ollah pandu miärätyn jälletyksen mugah , kudai ozuttau , kui lapsi kazvau :
4 rivi – sillo kazvua pidäy äijy
6 rivi – andau uni pitkiä igiä
9 rivi – muattuu parem jälgu kapsau
16 rivi – kazvat , roitos aimo miehii
17-18 rivi – Konzu kazvat , konzu väityt ,
čomas immes sinuu naitan .
20-23 rivi - Kazvat , roittos leivänkylväi .
Toinah oza muga leppiy :
Kazvat , roittos paras seppy ;
Ravvan tagoi , kullan tagoi .
Nämmä opastandukset , vaihtellen toine toizenke , keksitäh Brendojevan runon tekstan sydämellizen ilman .Folklourutekstois niidy on äijiä vähembi , vai toiči uskaldetah hyviä ruaduo , konzu lapsi kazvau .
Rahvahan baijutuspajolois enämbäl ollah käytös unen kučundat lapselluo , muamale avun pokoroičendat .Sentäh net tekstat ollah gu tiedohus-sanat , a XX vuozisuan Jumalanuskomattoman runoilijan tekstas , tiettäväine , moizii mielii ei ole .Uni on mainittu yksikön kolmanden persounan muodos : roikkah uni sinun sigei (5. rivi ), hiiviy uni hilʹlʹakkazih (8. rivi ).Toizeh vie on ližätty opastundumieli : uni tulou , gu ollet hilʹlʹah .
Tiettäväine , ovvostat , konzu baijutuspajon kirjuttai on mies , a piähengenny buitegu on muamo .Täs vikse tunduu Venʹan klassizen kaunisliteratuuran perindölöin vaikutus .Omaluaduzet baijutuspajot kirjutettih Mihail Lermontov , Nikolai Nekrasov , Rasul Gamzatov .Sanakse , Vladimir Brendojevan runokogomuksis voibi lugie livvikse kiänetty eriluaduine Mihail Lermontovan "Baijutuspajo ".Yksisama oman muan runoperindöt kuvastuttih läbimenijöis unohtamattomis muamankielel kirjutettulois runolois .Segi sežo on arbaitus .
Tovelline nerokas kirjuttai on ainos peitolline , täyzi arbaitustu , kudamii himoittau arbailla , piästä selvile , sellittiä sanan vuoh luajittuloi kuvii .Sen paiči luadie se muamankielel .
Baijutuspajo kalevalazen metrikan mugah
Livvi
New written Livvic
…
4
6
9
16
17-18
20-23
Libertsova, Valentina
«Колыбельная» в калевальской метрике
Russian
4
6
9
16
17-18
20-23