Texts
Return to list | edit | delete | Create a new | history | Statistics | ? Help
Vahnu vokzualu
Vahnu vokzualu
Livvi
New written Livvic
Vokzualu oli
nostettu vojennoloin raudutien rakendajien väil Porajärven kylän Učastok-kohtale vuozinnu 1953-1954.Vokzualan taloi oli korgei , ikkunat da zualu oldih suuret .Zualan lattiet oli katettu betonal , zualas oldih skamn’at , levielöil skamn’oil oli vaiku yksi selgy , ku istuo vois sellän yhtel dai toizel puolel .Sellän yläpuolel oli kirjutettu "MПС ".Emmo ellendännyh , midä net kirjaimet tarkoitetah .Piäzyveriän hurual puolel oli lippuloin myöndykoda , kuduas oli pieni ikkunaine .Vokzualan taloidu lämmitettih nelli suurdu gollandkapäiččii .Myö ylbeilimmö meij än vokzualua .Kylän keskipuolel , Akonjärves , oli vie yksi raudutievokzualu , ga se oli pienembi meij än vokzualua .Sille ni reissuavtoubussu ei käynnyh .Meijän vokzualale avtoubussu käi kaksi kerdua päiväs : PetroskoiJyškyjärvi-ildupoujezdan lähtendyaij akse (19.00) da Jyškyjärvi-Petroskoiyöpoujezdan lähtendyaijakse (24.00).Vokzualu oli meile rodnoi .Vokzualalpäi kaksi kerdua vuvves , keviäl da sygyzyl , otettih armieh brihoi .Moizinnu päivinny Porajärven avtolaitos andoi kaksi avtoubussua kerralleh .A min verdu rahvastu kerdyi nämminny päivin !Äijät rahvas oldih humalikos ,oli hälyy , soitti soitto , kuului pajo : "Ne hodil bi ti , Van’ok , vo soldati… ".Toiči oli hoppuu , torua .Učastkan brihat torattih akonjärveläzienke .Tossupiän školas urokoin väliaigua vai taratettih egläzii uudizii : – Akonjärveläine potki meigävellen , a meigäläine hänel "ispanien kagluksen " ozutti .– Se kuibo muga ? kyzytäh net , ket ei olla peril .Da ozakas toran omin silmin nähnyh brihačču ylbiesti sellittäy , kui pidäy oigieh temmata gituaru grifas da iškie rounoku labjal vihaniekkua piädy vaste .Myö vai kummeksimmo , eigo hänel olluh žiäli ...ei piädy , gituarua .Myö suvaičimmo kävvä vokzualale ainos , ga enimite talvel .Aij emba tulimmo jo lämmäh zualah da juoksendelimmo skamn’ois ymbäri .Zualu ozuttihes meile ylen suurekse .Niken ei ajanuh iäres meijän humizij ua joukkuo .Sissäh uravoičimmo sie , ku minun kluassudovariššu Vovka Durnev murendi oman hambahan betonlatettu vaste .Se ei olluh maidohammas !Hänel oli kibei , ga ei itkenyh .Ei suannuh !Sildy ku kaikkien nähten häi "mogil’ovkan " (paikalline vuaru -toim .) korgevimas kohtas täytty vauhtii laski alahpäi suksil .Vähä ken brihaččulois ruohti hänen jytyi laskie …Ga tulou avtoubussu .Vokzualale kerdyy rahvastu .Jälles tullah rajanvardoiččijat .Hyö tarkastetah rahvahal dokumentoi , a myö sil aigua jo vuotammo poujezdua perronal , painammo korvat raudutiedy vaste , ku aijemba toizii kuulta rattahien kolahtustu .Loittoine iänimerki andau meile tiediä , ku pidäy siirdyö raudutien toizele puolele .Mečiköspäi rubieu nägymäh teplovouzu , sen kirkas tuuli kodvazekse sovendi meijän silmät .Kivoksis myö kualammo loitomba rauduties , silmien ies vilahtellah valgiet ikkunat .Pakkazel siäl kuuluu korviiottai tormozoin kridžineh .Poujezdu azettuu .Sen toizel puolel rodieu hälyy – rahvas čamodanat käis ečitäh omii vagonoi .Rajanvardoiččijat kačotah pasportoi niilöil , ket tuldih Porajärveh .Vieras ristikanzu ei voinnuh tulla Porajärveh piäzyluvattah .Sih aigah meil poujezdan toizel puolel oli omua tärgiedy hommua – istavuimmo vagonoin pordahile .Rouno ku čiučoit raudulangoil pörhistelimmökseh .Vuotammo .Kuuluu iänimerki .Poujezdu lähti ajamah ližäten vauhtii .Rattahat kolaitetah puaksumbah .Jo hengen salbuau .Kentahto meis hyppäi enzimäzenny lumikivokseh , sit toine .Ielleh myö ku hernehet kypsäs pallospäi hyppäimmö .Inertsien vägi pyörittäy meidy lumes .Lundu on takin ual , kuatančois , se umbai silmätgi .Poujezdu häviey pimieh .A myö vai nagrammo hyväs mieles , emmo voi piästä hyvin polgietule troppazele .On varattavu ruado , ga ylen äijäl miellyttäy .Kiännymmö kodihpäi .Täkse päiviä roih .
Vuvvennu 1995 vahnu vokzualu riičittih .Sen sij ah nostettih uuzi .Se on äijiä pienembi endisty da mustoittau vaihtoruadajan kodua .Suurdu nygöi ei ni pie – matkustajua on vähä .Jo ei ole kyläs lespromhozua , ei ole meččyzavodua .Monet porajärveläzet lähtiettih elämäh muij ale .Sygyzy umbai kylän .
Vahnu vokzualu
Livvi
New written Livvic
Karpin, Nikolai
Старый вокзал
Russian
-