Texts
Return to list | edit | delete | Create a new | history | Statistics | ? Help
Kiistupagin huondesveronaigua
Kiistupagin huondesveronaigua
Livvi
New written Livvic
Porajärven kyläs
eläy minun ammuine dovariššu Ivan .Hänen velli ainos sanou händy "Belij " ("Valgei ", toim .),minägi muga nimitän händy , vaiku ei hänen aigah , novvan eetiekkua .Vellekset puolekse ollah karjalazet .Korgiet kazvol , hardiekkahat , sinisilmäzet , lihaksekkahat .Kui tovellizet karjalazet mužikat hyö ollah hyvät puusepät .Mollembat nygöi ollah eläkkehel , ga ei kieldävytä ruavos .Hos rahvas sanotah ližiä ruaduo "halturkakse ", hyö ruatah sidä čopakosti .Sendäh "halturkua " velleksil ainos on .Hyö ainos kiistetäh keskenäh , nostajes mittumaltahto yksinäzel naizel saruadu libo kohendajes taloidu .Ruavos heile , tiettäväine , maksetah .I konzu , Beloin mieles , maksetah enämbän , häi liigua ei ota .Nuorembi velli sežo ei ole ahnas , häi kunnoivoijen omua vahnembua vellie ližiäy : "Belij do bezobrazija čestnii !"Ivan kaksi vuottu sluuži Baltiekas meriranduartilleries , min jälles kogo ijän eli da ruadoi Porajärves .Kividvorčoi ičele en nostanuh , ga eli puhtahuos da iče luadi kai .Hänen kodi on puuhine , pihas on garažu vahnah "četv’orkah " niškoi da ogrodu .Ogrodan tagan joga suovattua lämbiey kyly .Se lämbiey "valgieh " tabah .Belij ylen äijäl suvaiččou Vladimir Visotskoin pajuo "Zatopi ti mne ban’ku po-belomu ", häi kunnivoiččou Visotskoidu runoilijannu .Sih nähte mustelles minun mieles rodih moine kuva : suovattan kylyn jälles kylbevynnyh häi istuu oman koin verandal da juou-näčyttäy piivuo , a läbi omis turbielois uusis murizou omii armahii pajoloi …
Oli myöhäine sygyzy .Enzimäine pakkaine kirjoindi udžviel ikkunat .Minä kačon nimmis kirjois läbi pihale da soitan Beloile Porajärveh , tahton tiijustua , midä häi ruadau .On hyvä aigu lähtie enzimäzele talvikalastuksele .Häi oli rakas kalastamah ,ga jälgiaigua mindählienne oli harvah järvel .Se huolestutti minuu .Kyzyn : – Mindäh hengität kui Zmei Gorinič ?Vastuau :– Olen kalas … Pet’kanke …Kolhozkas .Jiä on huikku , račkau .Myö savakkoloinke olemmo .Minä rannas pyvvän , a Pet’ka omua savakkuo myöte ielleh nulizi …O !Näykkiy !Olgah , Nikola …Häi pani trubkan .A minä tiijän , kui Belij suvaiččou paista .Häi loppi paginan !Kerras rodih himo puuttuo Porajärveh , ga ruaduo täs on vie .Sanelen kai omale akale ,häi on lomal i myö olemmo yhtes syöndypertis , on huondesveron aigu .– Se kai on ahnahuttu , vastuau häi . – A sen jälles ku hädä roinnou , ga rubietto : "Oi , ah !" – Ongo se ahnahuttu , vastustin minä abevuksis da opin sellittiä . – Sih niškoi , ku piästä kalah , pidäy maksua benzinäs , kudai tänäpäi ei ole huovis , da ottua evähät . Moni kilometrii mašinaspäi järvessäh pidäy kualua lumes da kandua selläs kalakaššalii da porua .Sit hoikal jiäl ne oli harvah järvel kui surman n’okal astuo .Dai talvel äijiä kalua et ongita , kui kezäl .Mittuinebo se on ahnahus ?Se on hyvyöneččimätöi rakkahus !
Myöhembi minä soitin "Beloile " da sanoin , ku täl kerdua porajärveläzile omistettulois mustelmis minä mainičin händy da hänen vellie .Hänen hyväksyttyy minä sijoittazin kirjutuksen omale sivule Vkontakte-verkos .– Hyvä , luven , vastai "Belij " da viijen čuasun peräs kirjutti , ku kirjutus ei päi da sit on kolme vigua . – Minä nikonzu en sluužinuh randuartilleries ! kirjutti minun dovariššu .– Tostu vigua sellittäjes häi sanoi minuu muanittajakse . Häi kirjutti suuril kirjaimil : "MYÖ VELLENKE NIKONZU EMMO OLLUH HARDIEKKAHAT !Da kolmandekse , "Kolhozkas " on vetty POLVESSAH .HIMMOITANNOUGI , GA ET UPPUO !!!
Kiistupagin huondesveronaigua
Livvi
New written Livvic
Karpin, Nikolai
Спор за завтраком
Russian
-