Texts
Return to list | edit | delete | Create a new | history | Statistics | ? Help
Nuoret tanššijat opaššuttih kruukua
Nuoret tanššijat opaššuttih kruukua
Karelian Proper
New written karelian
Šajekuun 6.–10. päivinä
Petroskoissa vietettih nuorison Kruuka CAMP-etnoleiri .
Kulttuurialottehien tuven ta kehitykšen šiätijö yheššä Karjalan tašavallan kanšan neron ta kulttuurialottehien keškukšen kera jatkau projektišarjua , kumpani šäilyttäy ta kehittäy alovehen musiikki - ta tanššiperintyö .
Tänä vuotena etnoleiri omissettih vanhalla karjalaisella kruuka-tanššilla .Še keräsi 30 tanššijua ta horeograffie Venäjän 13 alovehelta .
Etnoleirin piäjuohattajana oli Nikita Haritonov , tunnettu horeograffi , Presidentin palkinnon šuaja .
Etnoleirin avajaisissa ošallistujie tervehittih Kanšan neron ta kulttuurialottehien keškukšen johtaja Tatjana Ledn’ova šekä juohattajat Nikita Haritonov ta Jelena Dovol’nova .
– Avautukkua uuvvella ! Elkyä pitäkkyä projektie tutkintona tahi opaššušmuasteri-oppina !Meilä on mielenkiintoni luova tehtävä .Še on vaikie , ka šuoritettava .Valmistautukkua luovah työh ta positiivih , olkua avomielisie toini toisella ta meilä , toivotti ošallistujilla Nikita Haritonov .
Enšimmäisen muasteri-opin aikana Karjalan kanšallisteatterin näyttelijä ta vetäjä Aleksandra Aniskina opašti näyttelijätaituo .
Šamoin ošallistujilla valmissettih rikaš kulttuuriohjelma .Hyö tutuššuttih Petrovskii-kulttuurikeškukšeh , vietettih aikua oneganiemiläiseššä pes’s’outašša Kiži-musejon folkloriyhtyvehen kera .
Kruuka CAMP -etnoleirin lopušša , 9. šajekuuta , ošallistujat esitettih luova Narodnoje . Horovodnoje . Pereosmislennoje-spektakli .
TanššiKarjala-projektie toteutetah Venäjän kulttuurišiätijön grantin tuvella Pereh-kanšallisprojektin rajoissa .
Nuoret tanššijat opaššuttih kruukua
Karelian Proper
New written karelian