Texts
Return to list | edit | delete | Create a new | history | Statistics | ? Help
Alina Gapejeva. Karjalaine luonneh
Alina Gapejeva
Karjalaine luonneh
Livvi
New written Livvic
Karjalan
kirjuttajua Dmitrii Novikovua hyvin tundietah Karjalas da sen ulgopuolel .Hänen tevoksii jullatah kuulužat julguamot da suuret kirjalližusjulgavot .
Minul puutui kävvä Dmitrii Novikovan kezämökile , kudai seizou čoman Nuožarven rannal Kiiškoiniemen kyläs .
Kuulužakse häi rodih vie läs kahtukymmendy vuottu tagaperin .Sit aijas Dmitrii Gennadjevič on kirjutannuh äijän kniigua .Hänen tevokset , oppikkua duumaija , on kiännetty seiččemele kielele dai se ei ole kai .
Jälgiaigua Dmitrii Novikovas on äijän kirjutettu lehtilöis da žurnualois .Vuvvennu 2020 Karjalan tazavallan Kanzalline teatru on valmistannuh spektaklin hänen Golom’anoje plam’a-romuanan mugah .Spektakli kerras sai kaččojien tunnustustu .Lahjoitetut kukat da käzienpläkytykset joga ozutuksen jälles ollah sille tovestuksennu .
Histouriellizes Golom’anoje plam’a -romuanas Dmitrii Novi-kov on suannuh Kogoven’an pol’arniekan da kirjuttajan Vitalii Maslovan nimellizen arktizen kirjalližuspalkindon .Sen piälahjannu oli matku muanpohjazele n’avale .Ei ammui kirjuttai on tulluh matkaspäi da enimän aijan on vahnas karjalazes kyläs .
KYLÄN VUOTTAMATTOMUKSET
Minul himoitti tiediä , kui eläy kuulužu kirjuttai loitton linnaspäi , pruazniekallizis vastavuksis da lugijoin tunnustukses .Ei pidänyh hätkie sobie vastavukses .Kus eläy Dmitrii Novikov Kiiškoiniemel tietäh enimät da ozutetah oigien dorogan .Minä terväzeh rubein astumah havvakastu meččydorogua myöte .
Kirjuttajan kodi on ihan kylän agjal kivikkähäl mäil .Kyläläzet sanotah , ku ijän kaiken sit kohtas on nähty äijän mustumaduo .Tämä kivikäs mägi viizitostu vuottu tagaperin on roinnuh mieldy myöte Dmitrii Novikovale .Juuri sih kohtah häi rubei nostamah kodii .Jälles kirjuttai on kirjutannuhgi pitkän kerdomuksen , kudai on suannuh Mado-nimen .
Piin mieles sidä da ainos kačoin dorogale , ku en polgenus vilizijan hännäle .Minä terväh puutuin paikan piäle .Minuu lämminsydämellizesti vastai taloin ižändy .
– Rubiettogo čuajuu ? kerras kehitti Dmitrii Gennadjevič .Karjalazet čuajuttah nikonzu ei työtä . Myö rubeimmo pagizemah .Paistes kerras vihjain koin hoijetun pihan .
Kirjuttai sanoi , ku iče pidäy pihua kunnos ,sen niitändy kuuluu hänen ruadoloih .A omil vagoloil ouveššiloin kazvattamine on Irinan , Dmitrien akan , ruado .Lähembä randua on suuri kazvoshuonus ,sit kypsetäh ogurčat da pomidorat .Tänävuon emändäl kazvoigi ylen äijy mandžoidu .
Joga karjalaine mies ei voi eliä mečättäh .Dmitriigi suvaiččou kävvä meččäh , hänel ollah omat marju - da gribakohtat , kunne häi rubieu kiirehtämäh iččeh vihjattuloin primiettöin jälles :konzu omas pihas rubieu kazvamah lehmängribua da linduine jättäy ičen jälles must’oitačman .Sit tuli aigu meččäh lähtie .
Paikallizien eläjienke Dmitrii Novikov vähän-vähäzin puutui sobuh .Äijän kerdua häi on käyttänyh hyväkse heijän nevvoloi da kiinitti huomavuo heijän paginluaduh .Puaksuhhäi Nuožarven karjalazet on roittu kirjuttajan tevoksien piähengien prototiipoikse .
Omas puoles paikallizet kalastajat ainos ystävyön da tunnustuksen merkikse taritah kirjuttajale vastesuaduu kalua .Omas ičes Dmitrii sanou , ku hänel on ilgei karjalaine luonneh ,ga toizielpäi häi on ylen hyväntahtoine .Ližiäzin vie – tiijonhimoine da ruadai .
Kirjuttai sanou , ku on ozavu ristikanzu .Hänel puutui ruaduatärgevimän ruavon eläjes .Suurimakse tapahtumakse on roinnuh Golom’anoje plam’a -romuanan ilmahpiäständy .Se on rounoku pomoroin rekviem .Se panou rahvastu miettimäh .Sit on saneltu pohjazes eloksentavas , kus mennyh aigu on sivottu nygözeh .Paiči aigua da vägie , kirjuttai on pannuh romuamah kogo syväimen .Häi kirjutti romuanua seiččie vuottu .
– Minä hätken en voinnuh uvvessah ottavuo kirjutandah , sanelou Dmitrii . – Tundui väzymys da syväinkiinitys . Kiitändy da kriitiekku jätetäh oman jällen ičentundoh .Ga elaigu on järjestetty muga , ku sen joga vaigies da tuskettajas tilas vältämättäh jiävihes valgien čilkehtys …Da sit tuli ilmi , ku palkindon jagamizeh paiči Ven’an kirjuttajien liittuo yhtyi Ven’an atomlaivasto .Sen johtajat piätettih kunnivoija oman kuulužan ruadajan Vitalii Maslovan mustuo , kudai ijän kaiken ruadoi ruadivoviestittäjänny heijän laivoil .Nenga Arktizen dengupalkindon ližäkse kirjuttai on suannuh toizen palkindon – matkan muanpohjazele n’avale .
Dmitrien lapsusaijan huaveh vuottamattah todevui .Paikan muuttamine da unohtumattomat mielet vaikutettih erinomah .Jälles arktistu matkua kirjuttai kerras rubei kirjuttamah suurdu oučerkua matkah nähte .Pohjaine on uvvessah innostannuh kirjuttajua ruadoh .Se oučerku on jo jullattu da lyhyös aijas on löydänyh omat lugijat .
Karjalaine luonneh
Livvi
New written Livvic