Texts
Return to list | edit | delete | Create a new | history | Statistics | ? Help
Alina Gapejeva. Nieglokkua, tyttözet, nieglokkua
Alina Gapejeva
Nieglokkua, tyttözet, nieglokkua
Livvi
New written Livvic
Priäžän
piirin eläi Svetlana Vsevolodova oman himoruavon - nieglomizen – työnnytti Jessoilan kyläs rahvahan hyvyökse .
Inehmine keräi yhteh käziruadomuasteriloi , kudamienke yhtes rubei nieglomah lämmii veššilöi mobilizuittuloih miehih niškoi .Nieglondah ottavuttih muijalgi da sit rodih kogonaine liikeh .Svetlana Vsevolodova lapsennu rubei nieglomah da kudomah koukkuzel .Sih ruadoh händy harjaitti buabah .Täl jygiel aijal häi ei voinnuh jiäjä bokkah da omal sivul sotsialiverkos kučui kyläläzii yhtymäh kogo Ven’an Sukkazet saldatale -aktsieh .
– Ruvekkuammo avvuttamah meijän saldatoile sil , midä iče hyvin maltammo – nieglommo heile lämmii sukkazii . Anna net lämmitetäh da akkiloijah heidy !potakoičči kyläläzii Svetlana .– Sukkazih voibi panna kirjaine hyvien sanoinke . Midä duumaičetto , rahvas ?
Nelläs päiväs hyvyönluadii liikeh yhtisti ei vaiku Jessoilan , ga kaiken Priäžän piirin eläjii .Sih ruadoh tuldihgi Kemin , Segežan , Pitkänrannan , Petroskoin da äijien toizien Karjalan linnoin da kylien eläjät .
Svetlana Vsevolodovan sanoin mugah omua abuu tarittihgi Moskovan da Sočin eläjät .Hänele soitettih tuttavat da tundemattomat rahvas , kehoitettih työnnettäväkse omii nieglottuloi sukkazii .Ket ei maltettu niegluo , avvutettih ostua langua nieglondah .– Kyynälet silmih nostah . Tyttözet , kuldazet , suuri passibo teile kannatandas , kiittäy abuniekkoi Svetlana Vsevolodova .Internetan kauti inehmine nevvou nieglojii , sellittäy , kui pidäy niegluo .Hänen mugah saldatoile pidäy niegluo pitkysiäret sukat , ku siäri olis 20-25 santimetrua .
Ližäkse voibi niegluo perčankoi da alazii .Alazis vai pidäy niegluo keskisormigi , kui se luajitah mečästäjäle .Erivärizii veššilöi ei maksa niegluo dai sangei langugi ei ole pättävy , ku talvel sie ei ole kovii pakkazii .
Joga päiviä aktsieh yhtynyzien joukko suurenou .Sih yhtytähškolan opastujatgi .Jessoilan školan opastujat ruvettih kirjuttamah saldatoile omii toivomuksii ,kudamii pannah sit alazih da sukkazih .Enzimäzen posilkan mobilizuitut suajah jo ligakuun allus .
Svetlana Vsevolodovale kirjutti eräs mobilizuittu : "Nieglokkua , tyttözet , nieglokkua .Teij än sukkazet , tiijättö , kui pädietäh saldatoile ."Nieglotahgi meijän inehmizet .Ei sudre sanota , ku yhtehine hädä yhtistäy rahvastu .Tänäpäi vikse ei ole ni yhty ristikanzua , kudai olis viluverellizenny tapahtunnuoh . Rahvas yhtistetäh omat mielet da väit , ruatah kai , midä maltetah dai kannatustu toiči ni kyzytä ei .
Nieglokkua, tyttözet, nieglokkua
Livvi
New written Livvic