Texts
Return to list | edit | delete | Create a new | history | Statistics | ? Help
Ribakova Lidia . Minun laps’aig Pondlau
Ribakova Lidia
Minun laps’aig Pondlau
Veps
New written Veps
Minun
laps’aig mujub veresuu hiinau i magedoil’ margil’ .Hän kulub homesliižuu kukoin’ paijau da kut lüpsimpad täutub maiduu .Hän mujub vaiše sadut päčišpäi pirgoil’ , miččed kaikiččuu homesuu paštoi mamoi .Neco laps’aig täuttud päivin’kau , igaks gänu Pondlau , vepsläižes küläs Ivadrandau .
Miid’ kanzas oli viden : mamoi , tatoi , mina , da kaks’ sizart .Kaiken kezan viluhusai mö magadolim pologas čuhuu vai sarajuu .Mina nuuzlin’ kukoin’ launundaspäi , kanoiden kakatusospäi , kulin’ kut möngäitas lehm da vazaine , kut mamoi zavodib lüpsta lehman .I maid lanktob güud'gähä lüpsimpadha .I kaikkjanau mujub veresuu hiinau .
Pezmahakso mö migo homest göksonzim gögelo , vilusuu puhthau veduu Ivadaspäi .Gäl’ghe ištlimoiš stolan taga söda midani magedad , pirgoid’ vai koloboid’ , kürzid’ vai olangid’ , mida mamoi tegeb tämbäks .Süim da magištolimoiš , ved' čeli päiv tariž mida-so rata .
Hiinantego – sur’ kezaliine rad .Hiinan panim kaiküu kanzau .Mö , lapsod , haravoil’ kändlim hiinan , konz kuivab – kerazim lain'hile da satoihe , kandišim sabilahil’ sabransijalo .Muštan , kandad , a side i parm ištuso kädolo , da kokiškab , a sabilahid’ iisa tačtä , astud da tirpad .Konz hiin ii mülü kegoho – tari puugetada .Necon radon tegim mö sizareme , händ vai mindai letas kegoho i mö tapurdam hiinan ümbri sovažerdid’ .
Tari kacta miše iiliiž nikus riiguid’ , da hiin tagazo ii lanktiiš .Ülähän siišta oli vähäižuu säro .Mijau kegod da sabrad oudihe pahoin’ čomad , tatoi mahtoi panda .
Hüväu säu kuivan hiinan panlim saraile .Sigau mugažo tari oli puugetada .Tatoi tačol’ saraile , mamaoi sarajuu lüki hiinan bokime , a mö sizareme puugetim , hän ühtüu poluu , mina toižuu .Kaikid’ hondomb oli puugetada katusonau , miše ii tučkäita päd .A kaikid’ paremb , konz rad vaumiš , ujuda hiiname alahaks , kaik higonu da žardunu , göksti göksta gögelo vilusudoho vedoho hüpähtada da küläks ujoluudakso Ivadas .
Vüuki migo kezad mö kaiküu kanzau keradolim margäd .Eduu käuim muraškoho , gäl’ghe mustikäišhe , a sügüz’polho kerazim bolan .Garblön mijau kaiken keraz’ tatoi .A manzikäižen da babarmon mö kerazim sizareme üksnämoiš , neniš penzhiš ed segoi .Muraškoho tari oli käuda edahaks soho , kerdalo otlim katläižen , midani söda , liibad , pirgoid’ , munid’ .Keradolim ühtehe vädraha mamoime .Mö sizareme kerazim eduu kružkihe , a gäl’ghe viškoim vädrha .Mina äjemba süin’ , čem kerazin’ , a sizar’ Irina kaiken lugi jääk mina i jääk hän keraz’ .Konz väzum , voib lebaitakso , ištta pažagannuu , göda magedad čajud pirgoime .A gäl’ghe dokerata vädr .
Kaikiččuu pühäpäjau käuim Slabadaha baboihe Lidähä i dedoihe Mišoihe .Kävoskenzim gäugan’ , a konz tatoi kodiš – ajim motociklau .Te Slabadaha astub korttame mägeme Ivadan randau , i mina kaiken varaižin’ , miše mö sinna kukerdamoiš .
Baboi dedoime kaiken miid’ varastadihe .Homesospäi kahton tehtihe kaik kodiradod , živatame , päčime .Dedoi ičehän kiitel’ štin’ , ningišt’ štid’ nikus enamba en sös’kenu , kodilihäu , solatud kapustame .Dedoi sab päčišpäi padan , hiitab sigaupäi supalan haudnuksod lihäd , pab laudaiželo da gäritab henombile supalaižile , a mina hilläšti nenod supalaižed lipsutan .A baboi mida tol’ko ii mahtnu paštta pirgoid , kolobid , kokatid’ , korostid , sul’čnid , robil’koid , kürzid , olangid .I migo pühäpäjad čeli stol pašttud .
Gäl’ghe longid’ miid’ dedoi štargut’ venehüu Ivadame .Veneh’ likub bokha - toižhe , dedoi siišti melau vedab venehen , a mö dedame em varaikiiš .Gäl’ghe štargundad baboi ougäsoišpäi tegeb miile čibun , sidob nin’he ougäsod , perskenallo pab miččenijan räzun i čibutab miid’ .
Küläks adivoičetanuksod astuim tagazo kodihe i tedme zaidlim toižhe Annoi baboihe i Kol’a dedoihe .Nečidame baboime mö i kazvoim , hän miid’ äjalo openz’ , kandišim haugod da vet kodihe , toskenzim hiinad živatole , käuim vastoihe , da kaiken mida-ni radoim .A kaikid' pahemba navedölim baboin' sanoid’ .Migo kerdad tulom i sanum : "Baboi sanu midani endolišt’ " A hänon sanad gö em üht’he kerdha kulim , i üks’tedam pakičem , a kundlim , kuti ezmäižen kerdan .
Ningiine mijau oli laps’aig .Neco oli kaikid’ paremb elo minun armhau Pondlau , pahoin’ tusttun nečiš aigas .
Minun laps’aig Pondlau
Veps
New written Veps