Texts
Return to list | edit | delete | Create a new | history | Statistics | ? Help
Natalja Anhimova. Muštam da armastam
Natalja Anhimova
Muštam da armastam
Veps
New written Veps
Tuli
reduku udes vodes .Om čoma sügüz’ .Necil aigal om rod’nuze äi hüvid ristituid .Üks’ heišpäi om lujas armaz minun täht .Hänen nimi om Polina Polikarpovna L’ovkina , minun tötai , äjiden ristituiden täht – päivkodin opendai , külänikoile – elonnavedii ristit .15. redukud Polina Polikarpovnale töudiiži 100 vott . Händast ii ole miideke d’o voden 2019 semendkun 9. päiväspäi , no hän eläb miide südäimiš .
Voib sanuda , hän eli igan (14.10.1925 – 09.05.2019).Hän läks’ taihvale surel praznikal , mittušt hän lujas navedi , 9. semendkud .Mäneb aig , a mina kaikuččen päivan johtutan Pelagejan-tötan nimen toižiden ičhižiden nimed da vaise pakičen : "D’umal , kaiče "!
Mö armastam händast .Miide südäimiš Polina Polikarpovna om eläb .
Hän eli 93 vott !Neciš igas oli kaiked : dügedad da hüväd .Perehes oli viž last , Polina oli vanhemban lapsen .Konz lapsed old’he völ pened , voinan aigan 1942. vodel , kanz oli evakuiruitud Vologdan agd’aha , Rubež-küläha .Siloi kol’ mam Klavdija Pavlovna .Pereh däi bat’anke .Konz päzutadihe Šuutarven agd’ , hö pördihe tagaze kodihe .Bat’ Polikarp Jegorovič radii pämehen kolhozas Mägel , sigä pereh eli-ki .Ii üht kerdad nedališ hänele pidi mända Šuutarven polehe , radole .Kerdan suim lopihe möha ehtkeižel .Irdal oli vilu , oli äi lunt .Polikarp Jegorovič Šoutarvespäi läks’ kodihe , sikš ku kodiš händast varastet’he pened lapsed .No tulda kodihe hän ii voinu , oli lujas pimed da puhui kova döl , hän läks’ dorogaspäi , ön venui lumes , vaise homesel händast löutihe da tod’he kodihe .Hän vähän läžui i kol’ .Bat’ ehti vaise antta nakazad Pol’ale .Necil nakaziil hän eli-ki – koumele sizarele da vellele oli maman da bat’an .I muga oli ii vaise konz hö ol’d’he nored , a kaiken igan , surmhassai .
Polina Polikarpovnal oli ičeze pereh , koume last : kaks’ prihašt da niičukaine .Kaik hö kazdihe hüvikš ristituikš .Kaikil oma ičeze perehed da lapsed , lapsil oma d’o ičeze lapsed .Sugu eläb .
Enamba 40 vott hän radii kacujan Šuutarven lapsiden päivkodiš .Kut äi hänel om openikoid !Meletan , mise päivkodiš kazvatajan täht kaik lapsed oma kut ičeze , läheližed da armhad .
Polina Polikarpovna ezmeine zavodi vedäda vepsän kelen urokoid Šuutarven školas 1990.-vozil .Sil aigal äi rahvast tuli hänen urokoile , mise kacta da opetaste hänelpäi .Kaik nened vastused oliba lämäd .
Muštan , konz mina tulin radmaha Šuutarven vepsän muzejaha , kut äi azzjid mö tegim ühtes veteraniideke .Sil aigal Polina Polikarpovna äi vott oli veteraniide suiman pämehen .Veteraniide hor tuli pajatamha lapside da vanhiide täht , ken tuli muzejaha .Hor oli suur’ , i kaikutte ak lämbit’ meid ičeze muhoižel .Toine parahim azz’ – paštta kalitoid .Ol’d’he päiväd , konz hö pašttihe enamba 100 kalitad .Päs om se , mise kaik nened vastused mänd’he hüväs meles , mise vanhad da nored , erazvuiččed pol’ved ol’d’he ühtes .
Pol’a-tötal oli suur’ südäin .Hän oli penikaine kazvol ristit , a hüväsüdäimeližuz’ oli hänen taban päpirdan .
Nügudehessai muštan , hänel ol’d’he čomad sini-sinižed sil’mäd .Konz Polina Polikarpovna vii paginan , hän ot’ sinun käded ičeze käzihe da kacii sinun sil’mihe .Polina Polikarpovna oli lujas laskav mez’ .Meletan , mise hän däti parahimad ičeze lapsile da vonukiile .
Hänen suur’ da vanh pert’ nügüdehesai siižub Šuutarves .Tänna kezaks tulob hänen L’udatütär da lebupäivikš keradaze vonukad , ühtes radaze da ištaze stolan taga .Mina iče lujas navedin tulda neche pert’he , om mugoitte riža , mise siid sindei varastaze , siid om kebn olda da lähtta hiviš meliš .
Muštam da armastam
Veps
New written Veps