VepKar :: Texts

Texts

Return to list | edit | delete | Create a new | history | Statistics | ? Help

Irina Sotnikova. Pietiläinen Jelena Jevgenjevna

corpus: Journalistic texts

Source:
RUWIKI

Irina Sotnikova

Pietiläinen Jelena Jevgenjevna

Veps
New written Veps
Jelena Jevgenjevna Pietiläinen ( om sündunu 10.redukud 1961, Podporožje, Piterin agj) — venälaine kirjutai, prozan kirjutai, opendai, runoilii i toimitai, pedagogižiden tedoiden kandidat. Venäman kirjutajiden sebran ühtnik vodelpäi 2004. Venäman kirjutajiden sebran Karjalan kirjutajiden erišton pämez' vodelpäi 2008. "Sever"-kulehtesen pätoimitai vodelpäi 2007. Karjalan arvostadud kul'turradnik (2024).
Elostarin
Om sündunu 10.redukud vodel 1961 Piterin agjan Podporožje-lidnas.
Vodelpäi 1979 vodehesai 1984 Jelena Pietiläinen openzihe Petroskoin valdkundaližen universitetan istorijan-filologižel tedokundal. Vodelpä 1984 vodehesai 1997 13 vot radoi Karjalan ASSRan Čupan keskškolas venän kelen da literaturan opendajan. Vodel 1996 Jelena Pietiläinen tegihe "Venäman voden opendai"-konkursan vägestajaks ühthižvenälaižel etapal. Vodel 1996 "Korktas pedagogižes mastarudes, hüviden oloiden tegemižes personan kehitoitusen täht, programmoiden da abuopenduzkirjoiden tegendas" Jelena Pietiläinen tegihe Venäman prezidentan premijan laureataks openduzradnikoiden keskes — "Venäman voden opendai"-konkursan laureataks. Vodelpäi 1997 vodehesai 2007 oli opendajan radmahton ližadandan institutas i oli Petroskoin opendusen kehitoitusen keskusen pämehen. Vodel 2005 polesti dissertacijan, miše tehtas pedagogižiden tedoiden kandidataks, temadme : "Tedoiden täuden el'gendand kut urokan satusen kazvon olod". Vodelpäi 2007 – "Sever"-kulehtesen pätoimitai i ühtenaigan vodelpäi 2008 — Venäman kirjutajiden sebran Karjalan kirjutajiden erišton pämez'.
Vodelpäi 2018 Jelena Pietiläinen om Ohjandusen ühtnik i Venäman kirjutajiden sebran sekretar'. Vodelpäi 1998 eloho läksi runoilijan ezmäine runokogomuz ven.: "Оттаявший свет", möhemba läksiba mugoižed runokogomused, kut ven.: "Время дождей" (2003), "Предощущение" (2010), ven.: "Ниточка вечности" (2012), ven.: "От земли – и до рая..." (2015), ven.: "Между Ладогой и Онего" (2016), ven.: "Заповедник любви" (2019), a mugažo kirjad lapsiden täht: ven.: "Большими шагами" (2011), ven.: "Кто живёт в лесу и в доме?" (2011), ven.: "Счастливый случай" (2014)[2]. Runoilijan kirjutesid paindihe "Literaturan lehteses" i taideh-literaturižes "Sever"-kulehteses.

Пиетиляйнен, Елена Евгеньевна

Russian
Елена Евгеньевна Пиетиляйнен (род.10 октября 1961, Подпорожье, Ленинградская область) — российский писатель, прозаик, педагог, поэт и редактор, кандидат педагогических наук. Член и секретарь Правления Союза писателей России с 2004 года. Председатель Карельской писательской организации Союза писателей России (с 2008 года). Главный редактор журнала "Север" (с 2007 года. Заслуженный работник культуры Республики Карелия (2024).
Биография
Родилась 10 октября 1961 года в Подпорожье, Ленинградская область.
С 1979 по 1984 год обучалась в историко-филологическом факультете Петрозаводского государственного университета. С 1984 по 1997 год в течение тринадцати лет работала в Чупинской средней школе Карельской АССР — Республике Карелия в должности учителя русского языка и литературы. В 1996 году Елена Пиетиляйнен на всероссийском этапе конкурса "Учитель года России" становится победителем. В 1996 году "За высокое педагогическое мастерство, создание благоприятных условий для всестороннего развития личности, разработку авторских программ и учебных пособий" Елена Пиетиляйнен стала лауреатом премии Президента Российской Федерации работникам образования — лауреатам конкурса "Учитель года России". С 1997 по 2007 год преподавала в Институте повышения квалификации работников образования и была директором Петрозаводского центра развития образования. В 2005 году защитила диссертацию на соискание учёной степени кандидат педагогических наук по теме: "Технология полного усвоения знаний как условие повышения эффективности урока". С 2007 года – главный редактор журнала "Север" и одновременно с 2008 года — руководитель Карельской писательской организации Союза писателей России.
С 2018 года член Правления и секретарь Союза писателей России[6]. С 1998 года из-под пера поэтессы вышла первое поэтическое произведение "Оттаявший свет", в дальнейшем вышли такие сборники как: "Время дождей" (2003), "Предощущение" (2010), "Ниточка вечности" (2012), "От земли – и до рая..." (2015), "Между Ладогой и Онего" (2016), "Заповедник любви" (2019), а так же сборники детских книг: "Большими шагами" (2011), "Кто живёт в лесу и в доме?" (2011), "Счастливый случай" (2014)[2]. Произведения поэтессы печатались в "Литературной газете" и литературно-художественном журнале "Север".
The site was created by the staff of the Karelian Research Center of the Russian Academy of Sciences
You can freely use the materials of our site and share them, most importantly - indicate authorship and a link to our resource.
More about the CC BY 4.0 license
© VepKar. Open corpus of Veps and Karelian languages