Texts
Return to list | edit | delete | Create a new | history | Statistics | ? Help
Irina Zaitseva. Tutuššu Margarita Jufan muailmah!
Irina Zaitseva
Tutuššu Margarita Jufan muailmah!
Karelian Proper
New written karelian
Šajekuun viimesenä
päivänä Periodikakuštantamošša avattih taiteilij alla Margarita Jufalla omissettu näyttely .Margarita Mihailovna on ruatan Kipinä-kuvalehen toimitukšešša vuuvvešta 1986 alkuan .Šamoin taiteilij a monta vuotta ruatau "Periodikan " yheššä ta kuvittau kuštantamon kirjoja .
Šajekuun 31. päivänä avattih taiteilijan Margarita Jufan vuotisjuhlah šijotettu näyttely .Margarita Mihailovna on grafi kko , kuvittaja , opaštaja , Karjalan tašavallan taitoalan anšijoitunut ruataja , Venäjän taiteilij aliiton jäšen .Hänen tevokšet šäilytäh musejoissa ta yksityiskokomukšissa .
– Margarita Mihailovna on ruatan Kipinä-kuvalehen toimitukšešša vuuvvešta 1986, peruštamisešta alkuan . Näin hiän on yksi "Kipinän " alkuhpanij ista .Hiän tietäy kuvalehen istorij ua , ošallistu šiih , tietät äijän juttuja ."Kipinän " istorijašša oli vaikeita aikoja , ta Margarita Jufa aina oli meijän rinnalla autto meitä . Šamoin hiän monta vuotta ruatau "Periodikan " yheššä ta kuvittau kuštantamon kirjoja , šaneli "Kipinän "piätoimittaja Jana Filimonkova .
Näyttelyššä esillä on oša alkuperäsistä kuvitukšista , kumpasie Margarita Jufa luati Kipinä-kuvalehtie varoin vuosina 2020–2025 šekä valokuvakokomuš luatij an omašta arhiivašta .
Margarita Jufan kirkkahat ta ilmekkähät kuvitukšet luuvvah iloista ta kepietä tunnellmua , ne šuahah aikuhisie ta nuorie lukijie muhahtamah ta ihaštumah , vejetäh starinan taikamuailmah .Tarkkah mietityt yksityiskohat annetah kuvitukšilla šyvyttä ta ainutluatuisutta .
– Konša mie tulin "Kipinän " toimitukšeh instituutin jälkeh , miula ei ollun kokemušta . Oli vaikieta čukeltua taij on muailmah , vet opaššukšen aikana meilä annettih teemoja töitä varoin .Ka meilä šiännöllisešti annettih pienie tehtävie ta kannatettih milma .Enšiksi , Jotta kuvittua luatijan tekstie , pitäy ymmärtyä , mitä hiän halusi ilmentyä ta välittyä hänen tuntehie .Toisekši , kuvitukšella pitäy olla tarkka koko ta muoto .Ajan mittah miula tuli ičeluottamuš .Šain šuuren kokemukšen , piiruššin eri tyylilöissä .Olen tosi kiitollini "Periodikalla " ta "Kipinän " toimitukšella , šano Margarita Jufa .
Margarita Jufan kuvitukšien innon lähteinä ollah luonto , kotimuan kulttuuri ta ajattelut muailmašta ta ihmisen šielušta , šentäh kuvitukšien lisäkši on esitetty taiteilij an valokuvie .Margarita Jufa löytäy kaunehutta tavallisista aseista .Valokuvat ollah hänen luovan työn erottamatoin oša .Näyttelyššä on esitettu valokuvašarja Oka-jovella olij ašta pieneštä Tarusa-kaupunkista , kumpani 1800-luvulla muanitteli runoilijie , kirjailijie , taiteilijie , musikanttija .
Šamoin näyttelyn rajoissa kaččojat tutušutah Margarita Jufan pakautteluh kyšymyš –vaštauš -muuvvošša , mi antau ymmärtyä taiteilijän erähie ajatukšie ta šyitä šekä tulla ošallisekši hänen arvoloih ta harraššukših .
Näyttely rupieu toimimah vähintäh vuuvven loppuh šuaten .Halukkahat šuahah čukeltua Margarita Jufan muailmah ilmattautumalla etukäteh .
Tutuššu Margarita Jufan muailmah!
Karelian Proper
New written karelian