Texts
Return to list | edit | delete | Create a new | history | Statistics | ? Help
TopBLOG: tuhanzien keskes anukselaine
TopBLOG: tuhanzien keskes anukselaine
Livvi
New written Livvic
Karjalaine
bloggeru L’udmila Korkačeva tuhanzien toizien joukos puutui TopBLOG-projektan finualah .
L’udmila Korkačeva tartui bloggeran neroh , konzu rubei auttamah omua tytärdy sit ruavos .
Kaliningruadan linnas 22.—24. ligakuudu piettävän Šumnii kontent -mediafourumah aigah TopBLOG-projektan hantuzis nerokkahat , kreatiivizet nuoret ezitetäh 150 mediaprojektua .Karjalan tazavallaspäi pidoh lähtöy bloggeru da omaltahtolruadai L’udmila Korkačeva .
L’udmila Korkačovan käzis ollah Anuksen piirin omaltahtolruadajien keskuksen kanualat .Häi kirjuttau internetas , luadiu videoloi , meemoi da tostu kontentua Veikko-hanhen nimes .
— Projektu mustoitti minule , ku kaikkien luguloin , trendoin tagan pidäy olla ristikanzan tovelline histourii . Kaikis parahin kontentu rodieu silloi , konzu ei ole tahtuo roita kuulužakse , vai on tahto andua hyödyy , sanoi L’udmila Korkačeva Karjalan piämiehen lehtistöpalvelule .
Oman bloggan vuoh L’udmila tahtou ozuttua nuorile , ku ruadua hyvytty on kebjei da hyvä .
TopBLOG-projektua todevutetah kanzallizen Nuorižo da lapset -projektan mugah .Eräs suurimis mediaprpojektois yhtistäy niilöi , ket luajitah oigiedu , hyödyllisty da sotsializesti tärgiedy kontentua .Nuoret valmistettih projektoi kul’tuurukoudan säilyttämizes , ekolougies , tervehyös , alovehien kehittämizes , nuoren polven kannattamizes da sähköturvalližuos .
TopBLOG-projektan voittajien nimet sanotah fouruman jälgipäivänny .
TopBLOG: tuhanzien keskes anukselaine
Livvi
New written Livvic