Texts
Return to list | edit | delete | Create a new | Statistics | ? Help
Jelena Ruppijeva. Priäžän kanzallizele piirile – 90 vuottu
Jelena Ruppijeva
Priäžän kanzallizele piirile – 90 vuottu
Livvi
New written Livvic
Mennyt
nedälil kahten päivän aigah , 28.-29. tuhukuudu , Priäžän kyläs piettih Priäžän kanzallizenpiirin 90-vuozipäivänpivot .Juurituhukuun 28. päiviä pietäh piirin roindupäivänny , sinäpiän häi vuvvennu 1930 yhtistettih Pyhäjärven d aSiämärven piirit da rodihyksi Priäžänpiiri .
Priäžän piiri on kanzalline piiri .Täl čupul eletäh karjalazet .Heidy enimii myö , "Oman Muan " toimittajat da työ , "Oman Muan " lugijat , tiijättö iče .Tiijättö heijän ruadoloi myöte .Äijis olemmo sanelluh "Oman Muan " sivuloil , äijienke olemmo yhteisruavos .Priäžän piiris voibi sanuo eläy suuri vuitti "Oman Muan " lugijua da kannattajua .Hyö ollah oman karjalan kielen da karjalazen kul’tuuran akkiloiččijat da puolistajat .Nuožarveläzet , vieljärveläzet , kinnermägiläzet , pyhäjärveläzet , jessoilčat , priäžäläzet , kolatselgäläzet , čalnalazet da toizien kylien rahvas – heijän kel olemmo ainos ruadanuh yhtes .
Priäžän kanzallizen piirin pruazniekkuillačus "Meile – 90 vuottu " kunnivoittih da kiitettih enne kaikkie rahvastu , kudamat ruatah eri aloil oman kodirannan hyväkse .Palkittuloin joukos oli äijy karjalastu , karjalan kielen da karjalazen kul’tuuran hyväkse ruadajua ristitytty .Karjalan halličuksespäi kunnivokirjan sai karjalaine , Priäžän nevvoston piälikkö Tatjana Izotova .Kanzallizen da alovehellizen poliitiekan ministerstvaspäi kunnivokirjat suadih vieljärvenkarjalaine , endine Vieljärven kylän piälikkö Viktor Jefremov , Nuožarven kylän piälikkö L’ubov’ Ponomar’ova , Priäžän kanzallizen taidoškolan muuzikkufolklouran opastai Julija Tolmačova da äijät toizet kul’tuurualal ruadajat .Zakonoinhyväksyndykerähmös kiitändykirjaine annettih Priäžän Ukonkuari-päivykoin karjalan kielen opastajale Natalja Petrovale .
Sinäpiän pruazniekku illačus sanottihgi Priäžän piirin vuvven 2019 laureatat .Laureatoin joukkoh tuaste puututtih karjalazet , karjalan kielen da karjalazen kul’tuuran hyväkse ruadajat : Nuožarven kul’tuurutaloin johtai Galina Jelisejeva , Karjalan Rahvahan Liiton Priäžän ozaston johtai Lidija Tursunova , Pyhäjärven Oma randaine -pajojoukon ohjuaju L’ubov’ Pšennikova .Priäžän piirin kunnivoitukse eläjäkse rodih Pyhäjärven školan johtai Zinaida Matikainen .Vuvves 2007 Priäžän piiris jo 18 hengie sai tämän arvonimen .
Heijän joukos ollah karjalazet runoilijat Aleksandr
Volkov da Aleksandr Saveljev .
Pruazniekkuillačus oli äijy hyvittelijiä : omamualastu da tulolastu .Omat tervehtys - da hyvittely-sanat ven’an da karjalan kielel työndi priäžäläzile Karjalan piämies Artur Parfenčikov .Karjalan kielel hyvitteli sežo tverinkarjalaine Nikolai Turičev .Tverinkarjalazet tuldih gostih Priäžäh – Priäžän piirin da Tverin alovehen Spirovan piiril - häi on allekirjutettu sobimus yhtehizes ruavos .Priäžän piirin vuozipäivän pivot kestettih kaksi päiviä .Niilöin aigah oli pietty vie äijy konsertua , paikallizien neroniekoin jarmanku da pihatansit , kudamat loppiettihes ilotuleh .
Priäžän kanzalline piiri
Priäžän kanzalline piiri on sijoitunnuh Karjalan suvipuoleh , Luadogan da Oniegujärven vienjagoalovehele .Sen pindu-ala on 6 395 nellikkökilometrii .Priäžän kanzallizeh piirih kuuluu yksi linnukundu – Priäžän linnukundu da kuuzi kyläkundua : Nuožarven , Pyhäjärven , , Vieljärven , Jessoilan da Čalnan kyläkunnat .
Suurin niilöis on Jessoilan kyläkundu .
Kaikkiedah piiris on 82 eländykohtua .Vuvven 2018 pakkaskuun 1. päivän tiedoloin mugah piiris eläy 14 170 hengie .Karjalazii on 36,8 %.Priäžän piiri sai kanzallizen piirin stuatusan vuvvennu 2008.
Piiris ruadau äijy karjalan kielen da karjalazen kul’tuuran hyväkse ruadajua yhtistysty da laitostu .Karjalan Rahvahan Liiton ozastot ollah Priäžäs , Nuožarves , Jessoilas .Vieljärves ruadau Karjalan Kielen Kodi , Pyhäjärves – Pyhäjärven juuret -yhtistys .Etnokul’tuurukeskukset ruatah Priäžäs – "Elämä ", Jessoilas – "Kielen kirju " da Čalnas – "Tuomi ".Priäžän piirin Vieljärven kyläs Karjalan Kielen Kois ruadau ainavo karjalankieline kielipezä .Priäžän piirin histourielline karjalaine kylä Kinnermy on Ven’an kaunehimakse kyläkse .Priäžän piirin Kindahan kyliä tundietah Kindahan zuakkunois da juumorufestivualis .
Priäžän kanzallizele piirile – 90 vuottu
Livvi
New written Livvic