Texts
Return to list | edit | delete | Create a new | Statistics | ? Help
Prot’uaka Santtu . Vanhan venehen unta
Prot’uaka Santtu
Vanhan venehen unta
Karelian Proper
New written karelian
Myrškyjen rikkoma
veneh on rannašša ,
Laijat on halki ta keula on šannašša .
Pohja on šiämeštä hiekalla peitetty ,
Ualtojen vallalla veneh on heitetty .
On kuohupäisijä tarpehen pušken ,
Šykšysie jäntevie jäitä on murškan ,
Virtoja kulken on myötäh ta vaštah ,
Valkiella vuahella keulua on kaštan .
Hankamet koivušta , tervattu pinta .
Venehen lujuuš kun elämän hinta .
Auta miät , armaš , šuata miät valkamoh ,
Tyynnytä järvie , ni piäšemmä matkuamah .
Raukkojen rukoukšet Jumala kuuli ,
Šiä vähän kirkaštu , heikkeni tuuli .
Hetkekši šelkeni taivahan ranta .
Tuuli miät omilla vesillä kanto .
Šoutajien känšäset kämmenet työtä
Ruatua šai illan ta puolisen yötä .
Jiät šärki laitoja armottomašti ,
Kuitenki piäsimä kotihi ašti .
Mipä tuo venehen kohtaluo ohjuau ?
Avakkua tappi – on lahošša pohja .
Keulašša ket’t’u niin ilkiešti vinkuu ,
Renkašta kuluttau , ruošmetta hinkkuau .
Lokki nyt liitäyty hankamien puolešta ,
Paškanti laijan .No kiitoš šiun huolešta ,
On vaikka šiinä nyt elämän merkki .
Voi meitä vanhukšie , kyynälih herkkijä .
Kuuntele , kerron mie jotaki vielä ,
Mitä on venehen elämän tiellä .
Lašettih vesillä , ryypättih votkua ,
Šanottih : "Ihan harošaja lotka ".
Šiitä tuaš auškari votkalla täytettih ,
Hyväkši väkövyä neštettä käytettih .
Ihail’tih laitoja , muikkuja šyötih ,
Pullot niin poikkoseh kivilöih lyötih .
Ulappa harmaina ualtoina vieröy ,
Peräššä mouttori haisuu ta pieröy ,
Perämieš muhelou vinošša leuka .
Onhan še kaunista elämä – Eikö ?
Šiitä miut isäntä rannalla heitti ,
Šano : "Net deneg " ta "joppoita " heitti .
Mitä mie den’goilla , en tarviče muuta
Kun kuivilla kuunnella lokkien huutuo .
Lauvat on halettu , harmua on laita ,
Kuušiset kuaret ei kylkijä taita ,
Nuaklat on ruoššuttu , tel’l’ot on hajallah .
Vain kun mie piäsisin kuivilla mailla .
Kaččosin rauhašša kaunista unta ,
Nauttisin šateista , vuottasin lunta ,
Makuasin lämmöššä hankien alla ,
Nošša miut , isäntä , kuivalla mualla .
Veneh , kuin koira , isäntyä uškou ,
Myrškyllä kovija ualtoja puškou .
A konša kun isäntä henkehki jättäy ,
Ni venehen puolisko kalman šen kattau .
Vanhan venehen unta
Karelian Proper
New written karelian