Texts
Return to list | edit | delete | Create a new | Statistics | ? Help
Jelena Ruppijeva. Kirjutukset rahvahas ainos kiinnostetah lugijoi
Jelena Ruppijeva
Kirjutukset rahvahas ainos kiinnostetah lugijoi
Livvi
New written Livvic
Priäžäs
piettih Kirjutandan laboratourii , kudamah sanelemah omas ruavos da kirjutandan viizahuksis tuli Takije dela - verkožurnualan piätoimittai Jevgenija Volunkova .
Uvven Vuvven kynnyksel , 30. talvikuudu , Priäžän yhteiskunnallizes Art-selo -rezidencies piettih Kirjutandan laboratourii , kudamas kirjutandan opastajannu da nevvojannu oli Takije dela -verkožurnualan piätoimittai Jevgenija Volunkova .Jevgenija on rodužin Kondupohjaspäi , algoi toimittajan ruavon Karjalas , on ristin-rästin ajelluh sen da äijän kirjutannuh sit .
Jo puolivuottu Jevgenija Volunkova on tundietun Takije dela -verkožurnualan piätoimittajannu .Vastavuksele Jevgenija Volunkovanke tuli lehtilöin toimittajua – ruavastu da školaijäs olijua , yhteiskunnannallizien yhtistyksien da yrittäjien verkosivustoloile da socialiverkoloih kirjuttajua .
Jevgenija Volunkova äijän saneli omas ruavos , konkriettizien ezimerkilöin avul ozutti , mi ruadoloi on lehtimiehen ruado da kirjutandu iččenäh .Kirjutuksien aihielois paistes häi mainičči , ku lugijoi ainos kiinnostetah kirjutukset rahvahas .Häi ičegi on kiinnostunnuh niilöin kirjutandah – joga ristikanzalhäi on oma oza .Kirjuttajes ainos tärgei on vastavuo , paikan piäl pagizuttua rahvastu , nimittuine pagizutandu telefonas libo internetan kauti ei anna sinule täydelästy kuvua sit ristikanzas da sit ymbäristös , kudamas häi eläy .
Sit ymbäristös , paginkanzanke , toiči vie pidäy kodvu olla .Pagizuttajes pidäy äijy kyzellä , syvendyö tarkukohtih , sit äski voit tiijustua erinomastu da mielenkiinittäjiä , sidä , midä ennepäi et ni smiettinyh tiijustua .Pienet kyzymykset autetah sit .
Kirjutukset rahvahas ainos kiinnostetah lugijoi
Livvi
New written Livvic