Texts
Return to list | edit | delete | Create a new | Statistics | ? Help
Jelena Ruppijeva. Priäžäläzet reknaillah tulieloi ruadoloi
Jelena Ruppijeva
Priäžäläzet reknaillah tulieloi ruadoloi
Livvi
New written Livvic
Melliččy-fondu pidi
tutkimuksen , kudamas suadih selvile , mittumua ongelmua on Priäžän piiris da ollahgo iče rahvas valmehet sellittämäh niilöi .
Jo vuvves 2018 algajen Melliččy-fondu pidäy Priäžän piiris tutkimustu , kudaman hantuzis sellitetäh , mittumua ongelmua rahvahan mieles on olemas piiris da ollahgo iče rahvas valmehet sellittämäh niilöi .Tämän vuvven tutkimukseh on otettu ozua kai Priäžän piirin linnu - da kyläkunnat , kaikkiedah 1 380 hengie on yhtynyh Melliččy-fondan valmistettuh kyzelyh .Tämä lugu fondah kuulujien mieles on ylen hyvä , semmite sendäh , ku jälgiaigua Priäžän piirin rahvahan lugumiäry on vähennyh 12 tuhandessah hengie , sen on ozutannuh jälgimäzekse pietty rahvahanlugu .Priäžän kyläs kyzeltävänny oli 193 hengie .Tutkimuksen mugah endizelleh hyvät tulokset Priäžäs ollah detsadulazel opastuksel da sportan kehittämizel , rahvas korgiesti arvostettih niilöi .Rahvahan suurimakse huolekse jiäjäh dorogat da pihoile putilline tulensuandu .Dorogat Priäžäs ollah pahas kunnos vie sendäh , ku jälgivuozinnu kylän pohjasčurah on vietty vezibutkie .Kylän haldivo on jo valmistannuh da työndänyh kačottavakse tazavallan virguniekoile dorogoin kohendamizen laskulistan .Iče kyläläzet dai paikalline mečänhoidolaitos ollah valmehet istuttamah uuzii puuloi da tuhjozii vezibutken periä rikottuloih kohtih .Muitegi kyläh kukkazien , puuloin da tuhjoloin istutandu on mieles priäžäläzii .Vastavuksel , kudual Melliččy-fondah kuulujat ilmoitettih tutkimuksen tuloksii , kyläläzet yhtes šeikuittih , kui suas kunnostua Priäžän keskuččua – suurien laukkoin luo olijoi tiloi .Täs on tuldu sih mieleh , ku vai yhtehizil vägilöil – laukkoin ižändöin da rinnal olijoin monifatierahizien kodiloin eläjienke – suau sellittiä se .Sidä paiči sil samazel vastavuksel priäžäläzet mietittih kylän Rakkahusmäin da sen vieres olijan järvirannan kunnostandua da suuren elostus - da kižalagevon luajindua .Enimät kyzelyh yhtynyzis ollah huolestunnuot sit , ku Priäžäs tässäh ei ole suurdu hyviä elostus - da kižalagevuo lapsih da nuorižoh niškoi .Tänävuon on piätetty yhtyö kižalagevon projektanke Paikallizien alguhpanoloin kannatusohjelmah , kudamas kannatetun projektan dengumiäry voi olla ei enämbiä kahtu puolenke miljonua rubl’ua , net suajah tazavallan b’udžietaspäi , 20% dengumenolois andau paikalline haldivo da 10% rahvas kerätäh ičeväil .Tutkimuksen hyväkse puolekse Melliččy-fondah kuulujat on pandu sen , ku 57,5% Priäžän kylän eläjis ollah sidä mieldy , ku oman kodirannan hyvinvoindu rippuu joga eläjäs da 27% ollah valmehet avvuttamah dengal projektoin todevutandas .Kehittämäh sportua Priäžäs ollah valmehet 31% vastannuzis , kehittämäh Alovehellizien ičehalličuksien ruaduo tahtos 20% vastannuzis da 15% ollah valmehet ruadamah kylän hyväkse yhteiskunnallizien yhtistyksien avul .Melliččy-fondan tämän vuvven tutkimus sai pidiä Luottamuksen ruadiussu : levendämmö rajoi -projektan hantuzis , sih kannatustu suadih Ven’an piämiehen abudengoin fondaspäi .
Priäžäläzet reknaillah tulieloi ruadoloi
Livvi
New written Livvic