Texts
Return to list | edit | delete | Create a new | Statistics | ? Help
Kodžat
Kodžat
Livvi
Kotkozero
Vie
valgiel kerrytäh tytöt piiraidu ajelemah .Keitetäh kattil brossua sydämekse , sevoitetah tahtahan kuorekse i zavoditah ajella .Enzimäine piirai pannah eriže .Konzu kai piirait ajellah , yhtištetäh i keitelläh .Enzi piirai tytöt peitetäh , stolat kerätäh kai i vuotetah , konzu tullah kodžarahvas .Vaigu kuultah pihah karahtettiheze , tytöt piirain kele pihale : javotah piirai palažile i syvväh – andilahan lemmet otetah ičele .
Kaikin svuatut jaksetaheze i ištutaheze stolah .Ženihän roditelät suureh čuppuh , rist’oi i ristižä rinnale , siten diädät i t’outat , vellet muččoloin kele i sizäret ukkoloin kele .Nuorižuo kodžile ei taluta .Kaččojua susiedua on perti täyzi .
Andilas luadiu kaikile tervehyön i juottau čuajul , suuri podnossu käis .Lopul čuajule tulou ženihy vellen kele .Ištutetah heidy stolan agjah i andilas tuou kaksi stokanua i yhten čuaškan čuajuu i iče ištuh rinnale .Heidy gostittau andilahan velli i sizär .
Čuajun jäl’geh pannah ildaine : studenit , liemet , lihat , kiiseli .Ildažen syödyy kai sajoveh prostitaheze huomenessah i lähtiäh .Andilahan rodu , kedä sit on , i tytöt ištutetaheze stolah , i andilas kaikkii gostittau .Huondeksel toššupiän andilahan tuatto i muamo lähtiäh svuattuloi lujužile kuččumah .Lähtijes muamo sanou tyttärelleh :
Opimmo , kalliš kandomuane ,
Lähtie sinun valgien vastinehen luadužih .
Kui ruvetah sinun kallehii armožii vastailemah ?
Mittumat on ihalat ikkunažet sinule kačottavakse ,
Ruskiet lauččažet ištuttavakse ?
Sie hyö gostitah , kučutah lujužile kaikkie suguroduu .Kodih tulduu muamo itköy tyttärele virren :
Armas , kalliš siemenyt ,
Kaččelin sinun , valgien vastinehen luadužet .
Ylen roijah , kargijažele ,
Korgiet kynnykset kävelles ,
sibjožele selgiet lat’elahkot pestäväkse .
En vaivaine akku voinnuh
Ni yhtel sanažel ebelösty ebäillä .
Vaigu iče valličit oman vallan vallata .
Aigažin adamažele pidäy ruveta
Huondeksužil nouzemah ,
Unohtua pidäy magiet unuot muattavannu .
Kai huonuksut oli mustil kirjavil
Kuvažil kauništettu .
Kui ruvennet , kalliš siemenyt ,
Kaikkie perehty kuundelemah ,
Gu ollah ylen ylbiehköt kačahtusluavut ?
En voinnuh sinuu , labohuttu ,
Sellitellä parahih parčoih .
Gu pienembän pienarheinäšty
Työndelin vierahile ruadožile .
Ga en voi ni nämmii kerdažii
kielellä , sinun mielyžii tazavutella !
Kodžat
Livvi
Kotkozero