Texts
Return to list | edit | delete | Create a new | Statistics | ? Help
Marija Kirillova. Erikoista huomijuo kanšoih ta kulttuuriloih
Marija Kirillova
Erikoista huomijuo kanšoih ta kulttuuriloih
Karelian Proper
New written karelian
Vuotena
2026 tašavallan b’utžetin varoilla kannatetah kanšalliskielisien joukkoviestimien painamista ta vietetäh noin 200 tilaisutta Karjalan kanšojen monipuolisuon šäilyttämisekši .
– Kanšalliskieliset joukkoviestimet ei ainuoštah olla meijän tašavallan merkkinä , vain tärkein keškuš , missä šäilytetäh ta kehitetäh karjalan ta vepšän kielie šekä käytetäh šuomen kieltä Karjalan tašavallašša . Ne näytetäh , mitein meijän aloveh tehokkahašti täyttäy kanšalliskielien šäilyttämisen ta eistämisen tehtävie nykyaikana , tiijottau Karjalan kanšallisen ta alovehellisen politiikan ministerijö poštaukšeššah omalla VK-šivulla .
Karjalankielini Oma Mua -lehti , šuomenkielini Karjalan Sanomat -lehti , vepšänkielini "Kodima ", Carelia - ta Kipinä -kuvalehet šekä Oma Media -portali on yhissetty vuotena 1991 peruššetun Periodika - kuštantamon tiloissa .Peruštamisešta alkuan kuštantamo šuau rahotušta tašavallan b’utžetista .
– Karjalan halličukšen kannatukšen anšijošta tašavallan eläjät toteutetah omua perušoikeukšellista oikeutta šuaha tietuo omalla kielellä , tunnetah , jotta liitytäh yhteiskunnallisen elämän prosessiloih ta tajutah oman kulttuuri - ičenmiäräykšen arvuo . Meijän lehet ta kuvalehet ollah nykyaikaset painokšet , kumpaset kuvaššetah monie aiheita – talouvešta ta sosialikyšymykšistä Karjalan henkelliseh kulttuurih ta perintehih , lainuau Periodika-kuštantamon piällikön Jevgenija Šustovan šanoja Kanšallisen ta alovehellisen poliitiikan ministerijö .
Enši vuotena kanšalliskielisien joukkoviestimien painamisen kannatukšen lisäkši Karjalan tašavallan b’utžetin varoilla vietetäh valtijon kanšallisen politiikan alan tilaisukšie , kumpaset on šuunnattu alovehen kanšojen moninaisuon šäilyttämisekši .
Erikoista huomijuo kanšoih ta kulttuuriloih
Karelian Proper
New written karelian