Texts
Return to list | edit | delete | Create a new | Statistics | ? Help
Alina Gapejeva. Čuralahten časounu pannah kundoh
Alina Gapejeva
Čuralahten časounu pannah kundoh
Livvi
New written Livvic
Meijän
kodi -liitto jatkau ruaduo Ven’an prezidentan grantufondan kannatetun suuren projektan mugah .Projektan nimi on "Karjalan muan prepodobnoin pyhän Aleksandr Svirskoin hengellizen perindön elvyttämine ".
Kahten vuvven kestäjän projektan piätarkoituksii on kahten časounan kohendamine da tiedokirjutuksien kerävökniigan ilmoih piästämine .Mennyt vuon Meijän kodi -liiton kehitykses oli kohendettu Rubčoin kylän Iivanan časounu .Tämän uvven projektan hantuzis pietäh konservatsiiruavot Karhumäin piirin Batova-kylän Antipa Pergamskoin časounas da Priäžän piirin Čuralahten kylän Aleksandr Svirskoin časounas .Kohendusruadoloi pietäh kylän eläjät .Časounu hos i vahnu on , ga sinne rahvas kävväh .
Čuralahten časounu nostettih XIX vuozisual .Enzikse pannah kundoh levo .
– Algu ruavole on pandu ! Časounu on kačottu , on luajittu dokumentat tulieh konservatsiiruadoloih niškoi .Olemmo kiitollizet Aleksandr L’ubimtsevale da Kižin muzeile yhtehizes ruavos .Suuret passibot paikallizile eläjile heijän syväimen lämmäs , helläs kaiččemizes – se on hinnatoi abu da kannatus , sanoi ilomielis Meijän kodi -liittoh kuului , Kielen , literatuuran da histourien instituutan ruadai , arheolougu Tatjana Vasiljeva .
Uudeh kniigah ruvetah kuulumah tutkimukset , kudamat ezitettih Kižin muzien da Kieli-instituutan ruadajat "Siämärven lugemizis " Jessoilas , da vie toizet tutkimukset da materjualat .
Čuralahten časounu pannah kundoh
Livvi
New written Livvic