Texts
Return to list | edit | delete | Create a new | Statistics | ? Help
Galina Baburova. Lapsiden teatrozutelused koskiba žürijoukun südäimid
Galina Baburova
Lapsiden teatrozutelused koskiba žürijoukun südäimid
Veps
New written Veps
"Vepsläine
sarn " -festival’ udes ühtenzoiti koumen regionan vepsläižid . Kaiked sihe ühtni ühesa kollektivad , niišpäi kahesa voibištelihe vägestuses kahtes nominacijas : "Nügüdläine sarn " da "Tradicionaline sarn ".Völ üks’ kollektiv "Rohked "-nimel Šokšuspäi ozuti sarnan muite .
– Mikš om sarnoiden festival’ ? Sikš ku sarnas om rahvahan melevuz’ , sarn opendab meid armastamha vanhembid , arvostamha sebranikoid , vägestamha pahut hüvüdel , – sanui Karjalan rahvahaližen da regionaližen politikan ministerstvan radnik Jelena Migunova .
Sarnoiden festival’ om azjtego , mittušt varastadas surel tahtol .Se mäneb kerdan kahtes vodes .Festivalihe vaumištadas pit’kha , ved’ sen täht tariž kut valita sarn , panda muštho tekst , muga i ombelta vai löuta tarbhaižid sädoid , tehta dekoracijoid , valita muzikad .I necidä kaiked arvosteleb tark žürijouk .Lapsed peniš teatrozutelusiš ozutaba ičeze kodikelen tedoid da artistan mahtoid .Čudutoitab lapsiden rohktuz’ !Ved’ harvoin tehtas mugoižid azjtegoid , miččil pidab tulda surele scenale , konz sinuhu kacub äiluguine kacuijouk .
– Kaik kollektivad oliba čomad ! Oli lujas jüged valita parahimad .Eriži om taht sanuda "Todesižed sebranikad " -kollektivas Kalagespäi .Heil oli nügüdläine ezituz .Nece oli lujas melentartušt !Tozi sanuda , kaik lapsiden ezitused koskiba meiden südäimid , – sanui žürijoukun pämez’ Maria Košeleva .
Erased sarnad oli jo ezitadud männuzil festivalil , erasid – lapsed ozutiba ezmäižen kerdan .Ozutesikš , "Kastkuine "-kollektiv Borisovo-Sudskoje-küläspäi ozuti sarnan "Rohktas jänišas , kudambal oliba pit’käd korvad , värad sil’mäd da lühüd händ ".Necen sarnan ühtele artistoišpäi starinoiči heimolaine .
Mugažo festivalile tuliba lapsed Babajevo - da Pöud-lidnoišpäi , Al’ohovščina -, Šoutjärv’ -, Šokš -, Kalag’-külišpäi .Kaik lapsed saiba lahjad , a heiden opendajad – kitändkirjeižed .Edel festivalid Piterin da Vologdan agjoiden lapsiden täht Karjalan Rahvahaližes teatras oli ozutadud "Vepsläine neižne " -spektakl’ .
"Vepsläine sarn " -regionoidenkeskeine festival’ mäni "Vepsän kul’tursebran " "Kul’tur da kel’ : tämbei , homen , kaiken " -projektan aigan , mittušt tugezi Karjalan Pämehen grantoiden fond . Mugažo sen tegemižes abutiba Kalagen škol , "Periodika "-painišt i Karjalan rahvahaližen da regionaližen politikan ministerstv .
Lapsiden teatrozutelused koskiba žürijoukun südäimid
Veps
New written Veps