Texts
Return to list | edit | delete | Create a new | Statistics | ? Help
P’otr Vasiljev. Pühäkodin kaičend jatkub
P’otr Vasiljev
Pühäkodin kaičend jatkub
Veps
New written Veps
Sil
nedalil kadonudes vepsläižes Karhilküläs zavottihe uz’ etap läz muretud Georgii Pobedonoscan pühäkodin kaičendas .Mö zavodim sured radod .
Oli tehtud jüged , no tarbhaine pätuz – heitta pühäkodin jändused : ned painoiba kelloiden sijale , mitte om kaičenus .Vahvad sauvondvencad pandihe čurale , specialižele sijale .Ned kaitas tehnologižen pl’onkan al toižehe kerdahasai .Tulijal aigal vencad tegesoiš uden pühäkodin vai časoun’an palaks .
Kaikuččes sauvondvencaspäi oli ottud fotokuvid erazvuiččel korktudel – kaik ned tedod kaitas azjbumagoiš .
Toine tärged tegend om jatkta kelloiden sijan kaičuzradoid .Tariž udištada sen ülähaine pala , sauda südäimes varumatomad pordhad , koheta seinäd da azotada kehker čuhu ristanke .
Mugažo jatktam puhtastada pagastan sijad rujoheinpenshišpäi da ližatomiš puišpäi .Planuičem puhtastada territorijad kiviaidahasai i jätam vaiše kuzed , sikš ku ned oma tradicionaližed meiden pühäkodiden täht .
Pühäkodin kaičendaha tahtoim kerata rahoid kogonaižel Venämalpäi , sen täht tegem specialižen internet-lehtpolen .Sid’ kacum , äjan-ik keradam – ku äjan , ka udištam vanhan pühäkodin , muite kelloiden sijan rindal saudam časoun’an .
Kaiken ližaks tahtoižim tehta muga , miše tedme pühäkodihesai voiži veda sauvondmaterialad .
Meile jäb völ äi tegendoid – rad jatkub kuverz’-se vot .Kut i tobjimalaz , mö ihastusiš sam kaikenlašt abud .
Sures panendas da hüviš satusiš spasiboičem "Severo-Zapadnii Holding " -organizacijan pämest Ivan Aleksandrovič Ivanovad .
Pühäkodin kaičend jatkub
Veps
New written Veps