Texts
Return to list | edit | delete | Create a new | Statistics | ? Help
Galina Baburova. Karjalan pälidnas mäni etnokul’turine forum
Galina Baburova
Karjalan pälidnas mäni etnokul’turine forum
Veps
New written Veps
Karjalan
pälidnas Igähižiden vähäluguižiden rahvahiden ühthižvenälaižen foruman aigan mäni konferencii , miččel diskutiruitihe rahvahiden kul’turjäl’gestuses .
Redukun 19.-21. päivil Petroskoiš tehtihe Igähižiden vähäluguižiden rahvahiden ühthižvenälaine forum .Se ühtenzoiti openduz - da kul’turorganizacijoiden radnikoid , istorijan tundijoid , käzitehmusiden mastarid da niid , ked kaičeba i kehitoitaba meiden man igähižiden vähäluguižiden rahvahiden kul’turid .
Foruman ühtnikoiden täht oli tehtud "Pohjoižen rahvahiden kul’turjäl’gestuz " -ozuteluz , kus mäniba mastar’-klassoid .Vologdan agjan ezitajad openziba tehmaha tätüižid-bobaižid koivvicaižišpäi , Piterin da Pskovan agjoiden ezitajad ozutiba , kut kudoda vöid , vaumištada tätüižid-kaičijoid , tehta poimetišid kanghas da äi tošt .
Mugažo foruman aigan mäni konferencii , miččel pagištihe igähižiden vähäluguižiden rahvahiden tradicijoiden kehitoitandas da etnokul’turižen jäl’gestusen kaičendas .Konferencijan vedäjan oli Karjalan kul’turan ministr Aleksei Lesonen .
Venäman rahvahiden kul’turtradicijoiden kaičendas da niiden mülütandas materialitoman kul’turjäl’gestusen lugetišhe pagiži Tamara Purtova – Venäman Valdkundaližen Rahvahan sädandradon pertin pämez’ .Hän starinoiči fol’klorekspedicijoiš erazvuiččihe Venäman regionoihe .Niid tehtihe , miše löuta rahvahan materialitont kul’turjäl’gestust da kaita sidä .2024.–2025.-vozil matkoiden aigan mugažo oli kuvatud 18 fil’mad Venäman rahvahiden kul’turjäl’gestuses .
Azjtegoiš , miččed mäneba Karjalas da miččed om oigetud vepsläižiden tradicijoiden kaičendaha , starinoičiba Karjalan Kul’turiniciativoiden i rahvahan sädandradon keskusen pämez’ Andrei Red’kin da Karjalan rahvahiden sebruden kodin radnik Zoja Saveljeva ."Kiži "-muzejan pämez’ Jelena Bogdanova pagiži muzejan mahtištos vepsläižiden tradicijoiden kaičendas , vepsläižes sektoras Kiži-sarel . Hän kiti rados Anna Anhimovad , kudamb äjas popul’arizoitab "vepsläšt temad " muzejas .
Muzejan roliš vepsläižen kul’turan kaičendas jatksi paginan Šoutjärven etnografižen muzejan pämez’ Natalja Anhimova .
– Om tärged sirtta toižile sugupol’vile se , midä meiden ezitatad oma kaičenuded , midä mö olem kaičenuded , – sanui Natalja .
Babajevon etnokul’turižen keskusen radnik Viktoria Bazarova ezini konferencijal "Vepsläine tätü : tozi da kelastuz " -dokladanke .
– Tahtoin starinoita todesižes vepsläižes tätüižes da sihe sidotud mifoiš , – sanui Viktoria .
Karjalan Kelen , literaturan da istorijan institutan panendas etnokul’turižehe vepsläižiden opendushe starinoiči tedomez’ Zinaida Strogalščikova .Hän mugažo kingiti homaičust sihe , miše institutan arhivas om kaitud äičasuižid pl’onkale änetadud materialoid ekspedicijoišpäi vepsläižidennoks .Nene kal’hed materialad voižiba ližata tedoid vepsläižes kul’turas .Radmaha neniden materialoidenke pidab kucta vepsläižiden küliden eläjid – todesižid kelen tundijoid .Karjalan kul’turan ministr Aleksei Lesonen toivoti abutada necen radon sädandas .
Igähižiden vähäluguižiden rahvahiden ühthižvenälaine kul’turforum lopihe Karjalan Muzikteatras "Minun man än’ " -koncertal , miččel artistad ihastoitiba foruman ühtnikoid ičeze čomil karg - da pajoezitusil .
Karjalan pälidnas mäni etnokul’turine forum
Veps
New written Veps