Texts
Return to list | edit | delete | Create a new | Statistics | ? Help
Irina Sotnikova, Darja Hil’. Petroskoiš mušttihe Rürik Loninad
Irina Sotnikova, Darja Hil’
Petroskoiš mušttihe Rürik Loninad
Veps
New written Veps
7. kül’mkud
Karjalan Rahvahiden sebruden kodiš mäni mušteht , mitte oli omištadud 95-voččele jubilejale Rürik Petrovič Loninan (1930–2009) sündundaspäi . Hän oli kodiistorijan tundijan , Šoutjärven vepsläižen etnografižen muzejan tegijan , vepsän rahvahan kelen i tradicijoiden kaičijan .
Muštehtale kerazihe vepsläižiden küliden da Petroskoin eläjad — Rürik Loninan sebranikad i rahvahaližen kul’turan navedijad .Vastusen augotišes "Vepsän kul’tursebran " pämez’ Larisa Čirkova starinoiči adivoile Rürik Petrovičan polhe , sid’ kaik kacuiba dokumentaližen fil’man siš sures kodiröunan tundijas .Sen jäl’ghe Suomalaiž-ugrilaižen školan openikad lugiba runoid , a vepsän kelen opendai Nadežda Petrova starinoiči siš , kut Rürik Lonin vedi školas erazvuiččid mastar’-klassoid .
— Rürik Petrovič navedi tuleskelda meiden školha . Konz hän tuleskeli , ka kaiken sanui lapsile : "Pidab pagišta vepsän kelel , opekat sidä !"Ihastoitab se , miše Rürik Loninan vunukad , pravunukad jatktaba hänen azjad , opendaba školas vepsän kel’t , – johtuti Nadežda Petrova .
Ani lämän oli Viktor Loninan — Rürikan poigan — ezituz : hän lugi än’heze tatale omištadud čoman runon .Viktor jatktab ičeze tatan päazjad , istorijaližen mušton kaičendad .Mugažo hän radab požaroiden sambutajan , kezal ohjandab "Šeltozerec "-ecindjoukud , a sen ližaks Viktor om kirjutai .Muštehtal hän eziti ičeze uden "Lesnije izbuški " -kirjan ("Mecan pertižed ") da lahjoiči sen ekzempl’aroid kaikile tahtnikoile .Nece om starinoiden kogomuz , miččen pätemad oma laps’aig , noruden aig , prihaižiden sebruz’ da elo vepsläižes Šoutjärv’-küläs .
— Nece oli lujas läm’ mušteht . Oli ani melentartušt kundelta Viktor Loninalpäi siš , midä voib teta da muštta vaiše poig : mitte oli Rürik Loninan päiv , kut hän ehti tehta kaiken — rata sovhozas , tehta kodiradoid , olda heinäntegol , panda varha haugoid , tehta manradoid , opeta lapsid vepsän kel’he , kerata materialoid da kaluid muzejan täht , kirjutada , oppida , ajelta ekspedicijoihe i muga edemba , – sanui vastusen ühtnik Irina Sotnikova .
Muštehtan aigan adivoile oli ezitadud Rürik Loninale omištadud sirdändozuteluz .Šoutjärven muzejan pämez’ Natalja Anhimova starinoiči , kut hö vaumištiba necen ozutelusen , mi oli pandud sen pohjaze .
Ičeze muštlotesil mugažo jagoihe toižed-ki ristitud , ked hüvin teziba Rürik Loninad .Mušteht oli läm’ i kodikaz , se kerazi äi rahvast ühtes .Mugoižed vastused lämbitaba südäimid i jäba muštho pit’kaks .
Petroskoiš mušttihe Rürik Loninad
Veps
New written Veps