Texts
Return to list | edit | delete | Create a new | Statistics | ? Help
Heini Rostkova. Šokšus vastsihe nored oppijad
Heini Rostkova
Šokšus vastsihe nored oppijad
Veps
New written Veps
Šokšun školas
mäniba "Pened Pimenovan lugendad ", miččihe ühtniba Änižröunan školiden openikad .Konferencii tehtas vodelpäi 2016.
"Pened Pimenovan lugendad " -kodirandan istorijan konferencii mäni redukun lopus , kanman tetaban hüväntegijan Mark Pimenovan sündundpäiväd . Necil kerdal konferencijan päteman oli Änižröunan školiden istorii , sikš ku täl vodel nenile školile täudub 220 vot .
Konferencijaha ühtni kuden školan openikad : lapsed Šokšuspäi , Kalagespäi , Šoutjärvespäi , Ladvaspäi , Ladva-Vetkaspäi da Därvenojaspäi starinoičiba ičeze školiden istorijas , ristituiš , kudambad radoiba niiš , mugažo hö starinoičiba ičeze küliden tetabiš da melentartuižiš eläjiš .Kaiked konferencijal oli ezitadud 12 dokladad .Ned oli tehtud penen oppindan formas : lapsiden radoiš oli pagištoitusid ristituidenke , anketoid .
– "Pened Pimenovan lugendad " -konferencii tegese popul’arižembaks . Nügüd’ jo enamba školid ühtneb sihe .Ezitused oliba lujas melentartuižed .Sur’ spasib neciš opendajile , kudambad abutiba lapsile .Openikad tegiba tozi hüvid oppindradoid , saiba melentartuižid harvinaižid da tarbhaižid tedoid , miččid om jüged löuta , – sanui konferencijan ühtnik , "Vepsän kul’tursebran " pämez’ Larisa Čirkova .
Lapsed , ozutesikš , starinoičiba , miše tetab Karjalas taidehpirdai Tamara Jufa radoi Ladvan školas pirdandurokan opendajan 1960.-vozil .Johtutiba lapsed Karjalan parlamentan varapämehen , Zakonoiden tegendan kundan deputatan-ki Ol’ga Šmajenikan polhe , kudamb openzihe Šoutjärven školas .Šokšun školan pämez’ Nina Koren’kova löuzi tedoid siš , miše 135 vot tagaze heiden küläs kaik lapsed pagižiba vepsäks .Pagištihe petroskoilaižes kupcas-ki , Mark Pimenovas , kudamban kodima om vepsläine Šokš-külä .Mark Pimenov tegi suren panendan Karjalan man kehitoitusehe XIX voz’sadal .
Konferencijan jäl’ghe Ladva-Vetkan školan VKontakte-gruppas kirjutadihe : "Meiden školad ezitiba 6. klassan openikad Jevgenia Veikolainen , Uljana Flotskaja da Maria Nikitina opendajan Ol’ga Zaharovan ohjandusel .Neičukaižed lujas holduiba , kut kaik mäneb .No azjtego tuli heile mel’he , toižel kerdal hö udes tahtoiba ühtneda sihe .Erilišt il’mad meile lahjoiči konferencijan tegii – Šokšun škol .Meid vasttihe čomin – rahvahaližiš sädoiš adivoičetadihe kalitoil .Školas tundub hol’ vepsän kul’turan kaičendas ".
Pidab sanuda , miše tedod kodiman istorijas abutaba sen kehitoitandale nügüd’ .Oppindradod abutaba norile rižada ičeze sidod kodimanke , sündutaba heiš tahtod kaita ezitatoiden tradicijoid tulijoiden sugupol’viden täht .
Šokšus vastsihe nored oppijad
Veps
New written Veps