Texts
Return to list | edit | delete | Create a new | Statistics | ? Help
Sidorkin, Valerii. Kantele-yhtyveh ei hylkyä omie
Sidorkin, Valerii
Kantele-yhtyveh ei hylkyä omie
Karelian Proper
New written karelian
Kantele-yhtyveh aktiivisešti
ošallistuu Omie emmä hylkyä ! -ohjelmah .Še on šuunnattu erikoisšotaoperatijon ošallistujien ta heijän perehien šekä Karjalan šuojelun alla olijan Zaporožjen Vasiljevka-kaupunkin kannattamiseh .
3053. matkuajavaunu
Karjalan kanšallisen Kantele -laulu - ta tanššiyhtyvehen artistat alettih ošallistuo šemmosih aseih kohta kollektiivin peruštamisen jälkeh vuotena 1936 – Šuuren Isänmuallisen šovan vuosina . Šovan alušša kollektiivi evakoitih Kirgisijah .
3053. matkuajavaunuh ašetutut artistat vietettih konserttija vielä matašša kohti miäräpaikkua ta esiinnyttih šemmosissa šuurissa kaupunkiloissa kuin Molotov , Orenburg , Sverdlovsk , Čkalov , Kizil-Orda , Taškent , Džambul . Piäštyö Frunzeh (nykyjäh Biškek ) hyö jiätih elämäh šamašša vaunušša ta esiinnyttih šotilaššairaloissa , šotayksiköššä šekä Frunzen ta Kirgisijan toisien kaupunkien siviiliväještön ieššä .
– Artistat esitettih petroskoilaisien šäveltäjien klassisie tevokšie šekä uušie . Niijen luvušša on Ruvim Pergamentin "Voitto on meijän !", Karl Raution "Taistelušša ta työššä ", Leopol’d Teplitskin "Pelottava vaštineh ", muisteli myöhemmin yhtyvehen solisti , kuulusa kantelisti Maksim Gavrilov .
"Kantelen " johtajalla Viktor Gudkovilla ta yhtyvehen kaikilla ošallistujilla oli paraš toiveh rutompah myöštyö kotimualla ta esiintyö Karjalan rintaman šotilahien ieššä . Še toteutu vain vuotena 1943, ka jo ilman Viktor Gudkovie – hiän šiirty tuonilmasih pakkaiskuušša 1942.
Yhtyveh esitti P’otr Čaikovskin , Edvard Grigin , Johan Sibeliuksen , Frants Peter Šubertin , Robert Šumanin , Šarl’ Kamil’ Sen-Sansin ta Karjalan šäveltäjien tevokšie .
Lisäkši vuotena 1943 "Kantele " valmisti teatterimaisen Karjalaisšuomelaini taito rintamalla -ohjelman , kumpasešta yhtyvehen monet ošallistujat šuatih kunnivoarvonimijä Neuvošto-Karjalan johtajilta .
"Kantelen " artistat myöššyttih Karjalah šamašša 3053. vaunušša . Tašavallan vapauttamiseh šuaten hyö elettih Belomorskissa ta vietettih äijän konserttija Karjalan rintaman šotilahilla .Omah Petroskoih hyö tultih vuotena 1944.
Kantelen šoiton apu
Šuuren Voiton 60-vuotisjuhlakši yhtyvehen artistat valmissettih "Kantelen " šota-ajalla omissettu Ylissä , Kantele , Voittuo ! -ohjelma .Enši-ilta mäni Petroskoissa .Vuuvven piäštä yhtyveh yheššä rautatieläisien kera toteutettih 3053. vaunu : Voiton juna -projekti .Šen rajoissa ohjelmua esiteltih Karjalan ta Murmanskin alovehen entisien rintamakaupunkien eläjillä .
Kohta erikoisšotaoperatijon alun jälkeh Kantele-yhtyveh liitty Omie emmä hylkyä ! -projektih , a šiitä Karjalan šankarit -aktijoh .Niillä , ket myöššyttih rintamalta ta heijän perehillä Kanteletalošša alettih viettyä konserttija , ekskursijoja šitä istorijallista rakennušta myöten šekä kantelen šoiton ta kanšallisien karjalaisien tanššien työpajoja .
Esimerkiksi tuanoin šiinä piettih konsertti ta ekskursijo 149. šekalentodivisijonan šotalentäjillä ta siviili-ihmiskunnalla šekä heijän perehien jäšenillä .
– Konserttiohjelma ta ekskursijo putkattih vierahie Karjalan kanšalliseh kulttuurih . Šamoin Karjalan šankarit -ohjelman ošallistujan Daniil Kaminskin kera kaččelima tulijie yhteistyöšuunnitelmie , korošti "Kantelen " johtaja Natalja L’vova .
Šamoin tänä vuotena yhtyveh kävi kuulusan Tamanin motoampumadivisijonan luokše ta esiteltih oma šuuri konserttiohjelma .Lisäkši kollektiivi rikeneh esiintyy Petroskoin šotilaššairalašša .
Vuuvvešta 2023 "Kantele " on yhteyveššä Karjalan šuojelun alla olijah Vasiljevkakaupunkih .Oša yhtyvehen myöntätulošta konserttiloista työnnettih opaššuškirjallisuon oštamiseh Vasiljevkan kouluih .Šamoin yhtyveh ruatau yheššä šaman kaupunkin kulttuuri - ta urheilunuorisokeškukšen kera .Niin , Lahjota muhahuš muailmalla -hyvänluajintakonsertin tuomat varat mäntih ainehien oštamiseh šen
keškukšen näyttämön koristamista varoin .
Tuanoin "Kantele " valmisti Vasiljevkah työnnökšen – Aijan jogi -kokomukšie , kumpaset opaššutah šoittamah diatonisella kantelella .Niitä julkaisi Karjalan tašavallan kantelistiliiton jäšenet Kulttuurialottehien Presidentin šiätijön kannatukšella .
Šamoin Kantele-yhtyvehen anšijošta Melitopolin Venäjän peili -musejo šai karjalaisen kantelen .Ehottomašti yhtyveh jatkau šemmoista toimintua tulovaisuoššaki .
Kantele-yhtyveh ei hylkyä omie
Karelian Proper
New written karelian