Texts
Return to list | edit | delete | Create a new | Statistics | ? Help
Nadežda Vasiljeva. Voitto tavotah šeluštalla
Nadežda Vasiljeva
Voitto tavotah šeluštalla
Karelian Proper
New written karelian
Voitto
tavotah šeluštalla – näin šano jo toisen muailmanšovan aikana Neuvoštoliiton šuuri šotapiällikkö Georgii Žukov .Nämä šanat ollah ajankohtasie nytki , konša erikoini šotaoperatijo on käynnissä .
Taistelutoimien alušta eri puolilla muata šynty luaja vapuaehtoisliikeh , mi antau merkittävyä apuo rintamalla .Meijän tašavalta niise ei ole poikkeuš .
Vienan Karjalašša kaupunkien ta kylien monilukuset volont’orit yhissyttih yhteh auttajien armeijah – 10. aloveh -vapuaehtoisliikkeheh , min keškukšena toimiu Koštamuš .
Tällä hetkellä "10. aloveh " keräsi yhteh 28 volont’oripaikkua , kumpasissa voiton puolešta ruatah Čuupan , Kepan , Kiestinkin , Piäjärven , Sohjanankošen , Belomorskin ta toisien elinpaikkojen eläjät .Ošallistujat tikutetah saltatoilla lämpimie šukkie ta maskirointiverkkoja , luajitah takkija , šuojapeitteitä , antidron-verhoja , valmissetah kynttilöjä ampumahautoja varoin , ommellah antidron-täkkijä ta äijän muuta .
Kymmenie erilaisie tarvikkehie , kumpasie taistelijat tarvitah erikoisšotaoperatijon alovehella , valmissetah ta toimitetah rintamalla karjalaisien vapuaehtosien voimin .Joka kuukauši 10. aloveh -liikeh lähettäy Karjalan halličukšen tuvella monie tonnija humanitarista apuo , kerättyö tašavallan pohjoispiirien eläjien voimin .
Viime netälillä 10. aloveh -volont’oriliikkehen koordinattorit Jelena Zez’ulčik , Natalja Ribak ta Anna Tokar’ vierailtih Mujejärven , Kemin , Belomorskin , Louhen ta Kalevalan piirilöissä tutuštumašša ošaštojen toimintah , kertomašša omašta työštä ta šuunnittelomašša tulijua .
Matan yksi tärkeimmistä tehtävistä oli jakua SVO-ošallistujan muamo -mitalit naisilla , ket aktiivisešti ošallissutah volont’orityöh ta kumpasien pojat ollah šotaoperatijon alovehella .Kalevalašša palkittih Nadežda Paršina , kumpasen poika kuatu rintamalla , šekä Svetlana Remšu – hänen poika on erikoisšotaoperatijon alovehella šen alušta lähtien .
Svetlana jo kolme vuotta tikuttau lämpimie šukkie meijän prihoilla .Tuanoin hiän toi Kalevalan avuššuškeškukšeh 15 parie villašukkua , ne on jo valmehet toimitettavakši etehpäin .Myönnetty mitali tuli arvokkahakši tunnuššukšekši Svetlana Remšun panokšella yhtehiseh voittoh .
Kalevalašša Jelena Zez’ulčik kerto koštamukšelaisien volont’orien työštä .
– Humanitarisien kuormien šuattajana mie kävin erikoisšotaoperatijon alovehella jo yli kakšikymmentä kertua . Jokahisella matalla tapasin karjalaisen pataljonan šotilahien kera ta annoin heilä vapuaehtosien voimin keryämie esinehie , laittehie ta lahjoja , kerto naini .
Rintamalta Jelena Zez’ulčik toi niise saltattojen toivomukšie , esimerkiksi , maskirointitarvikkehien kehittämisekši .Näin Vienan Karjalan volont’oriloilla šynty kehitetty Karjalan kikimora-maskirointiverkko .Šen kuvonta on pitkäaikani ta vaikie , ka tuloš on šen arvoni .Meijän "kikimora " hyvin šuojuau taistelijie ta on erittäin kyšytty rintamalla .
Niise karjalaisien šotilahien šuosijošša ollah kuivatut ruoka-ainehet .Niitä valmistau "Kenttäkeittijön " Koštamukšen ošašto .Yli kuušikymmentä vapuaehtoista valmistau ta pakkuau rintamalla erilaisie kuivašuppija , huttuja , energijapatukkoja , hetelmie ta muita tuottehie .Kuukauvešša tulou yli kymmenentuhatta täyšipainoista annošta , mit ruttoh toimitetah rintamalla .
Näinä päivinä koštamukšelaiset volont’orit – koordinattorit Jelena Zez’ulčik , Natalja Ribak ta Anna Tokar’ (šanakši , Jelenan ta Nataljan pojat ollah rintamalla , a Annan mieš kuatu Donbassin vapauttamisešša ) – ošallissutah vuuvven tärkeimpäh vapuaehtoistapahtumah , kanšainväliseh kanšalaistoiminnan Myö olemma yheššä – 2025 -forumih .Yheššä toisien karjalaisien etuštajien kera hyö forumin aikana ratkaissah tärkeitä tehtävie : istorijallisen muisson šäilyttämiseštä ta erikoisšotaoperatijon ošallistujien tuvešta alkuan kanšalaisyhteisön vahvistamiseh .
Myöštyön kotih forumin kaikki ošallistujat tavatah omien volont’oriryhmien jäšenien kera ta kerrotah heilä omista vaikutelmista ta tapuamisista , uušista idejoista ta alottehista .
Koko vapuaehtoisjoukon voimin 10. aloveh -liikeh jatkau työtä rintaman ta Voiton hyväkši , mi varmašti kohta tulou meijän kotiloih .
Voitto tavotah šeluštalla
Karelian Proper
New written karelian