Texts
Return to list | edit | delete | Create a new | Statistics | ? Help
Karjalašša valmissetah uušie turistireittijä
Karjalašša valmissetah uušie turistireittijä
Karelian Proper
New written karelian
Karjalašša
luajitah Šuuri Venäjän pohjoni taival - ta Onegan matka -turistireittijä .Molompie valmissetah yhteistyöššä toisien alovehien kera .
Artur Parfenčikov kerto turistireittilöistä Yhtenäini Venäjä -puoluvehen toimehpanijakomitietan pyörien stolan issunnošša Kotimuan turismin kehityš Venäjällä -aihiešta .
"Šuuri Venäjän pohjoni taival " on ainutluatuni turistiprojekti , kumpani yhistäy Venäjän 12 alovehta ta kulkou Moskovan Novodevičii-manasterista Solokanšuarih šuaten . Šen piätarkotuš on esitellä matkuajilla Venäjän istorijan , arhitektuurin , luonnon ta henkisen kulttuurin rikkahutta .Matan piäpistehinä ollah Moskova , Tverin aloveh , Jaroslavl’ , Vologda , Velikii Ust’ug , Arhankeli , Karjala ta Solokan manasteri .Taipaleh rupieu näyttämäh Pohjois-Venäjän monipuolisutta ta kaunehutta , muanittelomah turistija ta noššattamah alovehien talouvellista kehityštä .
– Karjalan tašavallašša reitti kulkou Onegan ta Luatokan järvien rajoissa , Karjalan manasterien ta vanhojen kirikköjen , Petroskoin kaupunkin ta Kiži-šuaren kautti , kerto Artur Parfenčikov . – Reitin šuvisešša ošašša on kehitetty infrastruktuuri . Reitin pohjoisošašša tänä vuotena on lopetettu infrastruktuurin luatimini UNESCO :n objektin , Vienanmeren kallivopiirrokšien ympäristöššä .Šiinä on vierailukeškuš , hotelli ravintoloineh ta kuletušinfrastruktuuri .
Toini alovehien välini reitti on "Onegan matka ".Šitä valmissetah yheššä Vologdan ta Leningradin alovehien kera .Reitti tuttavuššutau Luoteis-Venäjän kaunehih paikkoih , ihmehelliseh luontoh , vanhoih kylih ta Pohois-Venäjän omaperäseh kulttuurih .Karjalašša reitin piäpistehet ollah Kiži-musejo , arheologini Onegan kallivopiirrokšet -kompleksi ta Petroskoi .Onegan matašta tulou Luoteis-Venäjän luajan turistiverkon oša .Še lisäytyy kahteh toimijah reittih – pitin Luatokan rantoja kulkijah Luatokan energija-kanšallisreittih ta šuureh Koko Karjala -matkah .
– Uuši projekti luatiu Luatokan ta Onegan klasterin , missä joka aloveh esittelöy omua alkuperäistä kulttuurie , käsityöammattija ta luonnon erikoisukšie . Šuunnitelmissa on panna käyntih reittie vuotena 2026, šano Artur Parfenčikov .
Karjalan piämieš korošti , jotta alovehen turistiala kašvau ta kehittyy .Tilaštojen mukah vuuvven 2025 pakkais-šajekuušša Karjalašša vieraili 1360000 turistie , mi on 44 prosenttie enemmän kuin viime vuuvven vaštuajana aikana .
Vuuvvekši 2030 alovehen halličuš meinuau lisätä turistimatkojen miäryä kolmeh miljonih .Yli 100 šijotušprojektie on šuunnattu turisti-infrastruktuurin kehitykšeh .Niijen toteuttamisen anšijošta Karjala šuau vielä 10 000 majotušpaikkua .Kaikkieh projektiloih šijotetah 45 miljardie rupl’ua .
Karjalašša valmissetah uušie turistireittijä
Karelian Proper
New written karelian