Texts
Return to list | edit | delete | Create a new | Statistics | ? Help
Uljana Tikkanen. Musejo järještäy näyttelyn karjalan kieleštä
Uljana Tikkanen
Musejo järještäy näyttelyn karjalan kieleštä
Karelian Proper
New written karelian
Karjalan
kanšallisen musejon projekti "Karjalan kielen musejo-aapini " voitti Venäjän Pohjosen musejot -ohjelman granttikilpailušša .
Karjalan kielen musejo-aapini -projektin kirjuttaja on musejon tietoruataja Sofja Nikitina .
– Enšin myö käymmä tutkimušmatašša Vieljärven Karjalan kielen kotih , šiitä karjalan kielen kurššiloissa Petroskoissa , pakajamma niijen kävijien kera , mitein hyö opaššutah kieltä , mi auttau opaššukšešša ta mitä hyö tarvitah . Šuatujen tietojen mukah valmissamma projektin piäruavot : näyttely ta opaškirja , šelitti projektin johtaja Sofja Nikitina .
Näijen ruatojen aikana projektin spesialistit ruvetah šuamah n’euvoja Kielen , kirjallisuon ta istorijan instituutin tietomiehiltä .Sofja koroštau , jotta tämä auttau vaššata kyšymykšeh kuin yhistyä musejometodikkua kielen opaššukšeh , jotta še ois avukši kielen opaštujilla .Valmissettu näyttely esitetäh enšin Kalevalašša , šiitä Petroskoissa ta lopušša Aunukšešša .
Projektin ruavot šuunnitellah toteuttua vuuvven 2026 kevätkuušta pimiekuuh .
Venäjän Pohjosen musejot -ohjelman kilpailušša voitti yhekšän projektie Arhankelin ta Murmanskin alovehilta šekä Karjalan tašavallašta ta Per’min alovehelta .Projektin b’utžetti šai olla yhteh miljonah šuaten .
Sofja Nikitina on Kalevalašta šyntysin ta pitäy tärkienä as’s’ana Karjalan kantakanšan kielen ta kulttuurin šäilyttämistä .
Musejo järještäy näyttelyn karjalan kieleštä
Karelian Proper
New written karelian