Texts
Return to list | edit | delete | Create a new | Statistics | ? Help
Ol’ga Dubitskaja. Lugekkua pihoi kui kirjoi
Ol’ga Dubitskaja
Lugekkua pihoi kui kirjoi
Livvi
New written Livvic
Kanzalline
kirjasto pani rattahile uvven Lugekkua pihoi kui kirjoi -projektan , kuduah voijah yhtyö kaikin , kel on kiinnostustu Petroskoin linnan histourieh .
Lugekkua pihoi kui kirjoi -projektan hantuzis Kanzallizen kirjaston ruadajat kerrotah Petroskoin histouries .Programmas on eriluadustu ekskursiedu .Ekskursien vedäi kerdou , mi oli tual pihal moni vuottu tagaperin .
Yksi niilöis on ekskursii Lohijoven randua pitkin , kuduas kerrotah , mi oli tämän joven rannal enne .Kerdomus da ekskursii algavuu Lohijoven rannal , Kirovan lagevon rinnal , kus on puušku .Täs kohtas hyvin nägyy Mark Pimenovan endine taloi da hänen nimine sildu .Nygöi se taloi on kolmekerroksine , a enne sie oli vaigu kaksi kerrostu .
Enne , XIX vuozisual , kus nygöi on fontuanu , ei olluh sildua .Sillan rakendi Mark Pimenovič Pimenov vuvvennu 1854 da lahjoitti sen linnale .Kus nygöi on linnan kezoirandu , enne oldih puuškuzavodan huonukset .
Gu astuohäi pitkin randua , tulemmo nygyaigazen Junost’ -stadionan kohtah .Onnuako niken jo ei voi ni kuvitella , gu täl paikal enne oli linnan kuadokohtu .Stadionu täs kohtas oli avattu vaigu 1930-luvul .
Ielleh Lohijoven randua myöte astujes , voimmo nähtä kohtan , kus oldih enne ogrodat , a nygöi sie on linnan keskus .Moni vuottu tagaperin , XIX vuozisual sie oli suuri viennouzu , kudai hävitti äijän kodii .Eläjil täh oli oma sellitys .Hyö sanotah , gu vezi nouzi vedehizien svuad’ban täh .Sulhaine eli Lososinnoje-järves , a andilas – Mašjärves .Sovittih hyö vastavuo Lohijoves da yhtes mennä Oniegah elämäh .Keräle vedehizet otettih kai – priduanoi , usad’ban da ližäkse zavodan saruat da taloi .Hyö peitettih kai ligah da čuuruh , gu rahvas ei nähtäs niidy .Konzu vezi aleni , alangolois , havvois da luhtis sai kalastua käzil .Sie jäi äijy kalua .Sanotah , gu se jäi gostitandusyömisty svuad’bustolaspäi .Moine on mieldykiinnittäi legendu .
Tämänmoizet ekskursiet ollah joga nedälii – nel’l’anpiän .Ekskursii algavuu 18 čuasun aigah Puškinan mustopaččahan rinnal .Ekskursiet kerrotah seiččemes linnan kohtas .
Lugekkua pihoi kui kirjoi
Livvi
New written Livvic