Texts
Return to list | edit | delete | Create a new | Statistics | ? Help
Ol’ga Dubitskaja. Kenenny pidäy olla, gu puuttuo ruadoh
Ol’ga Dubitskaja
Kenenny pidäy olla, gu puuttuo ruadoh
Livvi
New written Livvic
Nygöi
ei joga toine voi löydiä ruadokohtua ičele .Ven’al da Karjalas ruavottomus vai kazvau .Kui olla da midä ruadua , gu et voi löydiä ruaduo .
Vuvven 2015 allus ruavottomien lugu kazvoi läs puoldu tostu kerdua , a ruadokohtien miäry väheni .Tänä vuon kirjoih on pandu 1900 ruavottomua hengie , mulloi heidy oli 1300.A äijygo ruavottomua rahvastu ollah kirjoile panemata ?
Vuvven 2015 enzimäzes puoliškos Petroskoin ruavottomien keskukseh tuli 3945 hengie , niilöis ruavon löydi 2150 hengie .
Ruavottomien keskukses nygöi on 2147 kehoitettavua ruadokohtua – se on puoldu tostu kerdua vähembi , migu mennyt vuon .Petroskoin ruavottomien keskuksen kehoitettavis ruadokohtis keskimiäräine ruadopalku on läs 15 tuhattu rubl’ua kuus .Virrallizen statistiekan mugah keskipalku Karjalas on 30 tuhattu rubl’ua .
Ken nygöi voi löydiä ruavon ?Ruavonandajat nygöi vuotetah šouferiloi , trolleibusoin ajajii , rauduseppiä , sähkömiehii , sähkömehuaniekkoi , kivenruaduo maltajii , kirvesmiehii , mašinoin kohendajii , nostokruanan konehmiehii , keittäjii , myöjii , voimattomien hoidajii , matemuatiekan , fiziekan da alguškolan opastajii , lapsien kazvattajii .Kaikis enimäl nygöi tarvitah vojennoidu , kuduat sluužitah sobimuksen mugah .
Paiči ruadokohtii Petroskoin ruavottomien keskus tariččou kursiloigi , kudamis rahvastu opastetah ammattiloih , kudamii enimite tarvitah .Mennyt vuon kursiloil opastui läs 500 hengie , kudualois 80% sai ruadokohtan kolmes kuus .Paiči sidä kursit loppi 77 nastu , kuduat ollah lapsien hoidolomal da 19 eläkkehelästy .
Kenenny pidäy olla, gu puuttuo ruadoh
Livvi
New written Livvic