Texts
Return to list | edit | delete | Create a new | Statistics | ? Help
Ol’ga Dubitskaja. Maijon päivy – iluo äijy
Ol’ga Dubitskaja
Maijon päivy – iluo äijy
Livvi
New written Livvic
Anuksen
piiri andau läs 45 prosentua Karjalan tazavallan maiduo .Juuri siegi pietäh "maidohistu " festivualii .
Mennyt suovattan , 22. elokuudu , piettih Maijon päivy -VII festivuali .Tädä festivualii pietäh Anuksen piirin eri kylis , tänä vuon se oli Alavozes .Sih kerävyi äijy rahvastu Anuksen piiris da toizis Karjalan kohtispäi .
Maijon päivy -festivualis omua kollektiivua ezitettih eriluaduzet agrofirmat .Muatalovuon alan ruadajat valmistettih konsertuprogrammoi – yhtet pajatettih , toizet tansittih , kolmandet ozutettih pienii spektakliloi .
Sit Anuksen piirin da Alavozen herrat hyviteltih da kiitettih parahii ruadajii hyväs ruavos .
Oligi sie toine konsertu .Sie ezityttih paikallizet eläjät , oligi gost’ua Sordavalaspäi .Agrofirmoin ruadajii da kylän eläjii hyviteltih lapsetgi , hyö tansittih , pajatettih da lugiettih runoloi .
Pruazniekkuprogrammas oli kaikenmostu kilbua .Yksi niilöis oli taidoajandu – agrokompleksoin šouferit kilbailtes ozutettih , kui nerokkahasti hyö maltetah ajua traktoral .Toizes kilvas rahvas "löyhkettih " omal uudizel – kenen gurbičču , kartohku libo tomuattu on suurembi , segi on voittai .
Pruazniekal oldih Anuksen muzein ruadajat .Hyö tuodih ozutettavakse muzeispäi lypsändymašin da toizii vahnoi da nygyaigazii lypsändybrujii .
Paiči sidä rahvahale tarittih syömizii da juomizii .Muasterit myödih omil käzil luajittuloi suveniiroi .Tundiettu Karjalas padaniekku Roman Leontjev azutti , kui pidäy luadie padua da kukšinua saves .Sanakse , savie häi iče suau jovespäi .
Lapsih niškoi pruazniekan kohtale azutettih suuri batuttu da järjestettih heinykilvat .Body art :n muasteri piirdi lapsile čomazii hibjale .
Luajittihgi festivualil eriluaduzii vestoksii heinäs .Rahvas luajittih heinäs Smešariki-mul’tfil’man personuažoi , Džonztraktoran , erähii elättilöi , meren pohjan vedehizien da meritiähtienke .Nämä heinyvestokset čomendettih pruazniekan kohtan .
Tulii festivuali pietäh Tuuksin kyläs .
Maijon päivy – iluo äijy
Livvi
New written Livvic