Texts
Return to list | edit | delete | Create a new | Statistics | ? Help
Babovoz Ol’ga . Lumiukko
Babovoz Ol’ga
Lumiukko
Karelian Proper
New written karelian
Tuli
talvi .Miun tyttö ta Sofja-punukka tultih ativoimah kahekši netäliksi kotih , Karjalah , Kurkijokeh .
Myö tykkyämmä talvie .Talvella kävelemmä mečäššä ta hiihämmä .Iloista ta kaunista on talvella .
Erähänä huomenekšena myö kaččoma ikkunah , šato lunta ta mua oli valkie .Myö tulima pihalla .Enšin hyppimä lumešša ta leikkimä talvišotua .A päivällä piättimä luatie lumiukon .Myö ottima keltasen šankon , ruškien kaklapaikan , porkkanan , äijän hiilyitä , kivijä ta pienie okšie .
Myö luatima kakši šuurta lumipalluo – še oli vartalo , ta vielä yheštä pienemmäštä lumipallošta tuli lumiukon piä .
Kultasen šankon panima piäh , okšat-tukat pistimä vierellä .Luatima nävön : šilmät ta šuu hiilyistä , nenä porkkanašta , kiät ta jalat lumešta .
Ruškien kaklapaikan panima lumiukon kaklah .
Kuinpa kaunis lumiukko tuli !
Myö tulima kotih , šöimä ta koristima uuvvenvuuvven kuušta .
Huomenekšella lumi šuli , myö kaččoma ikkunah , a lumiukko šeiso vihriellä nurmikolla .Lumiukko niise rupesi šulamah .Punukka itkuh !Mie šanoin hänellä :
– Myö luajimma lumiukon vielä kerran keltasen šankon kera !
Näin meilä šynty talvini perinneh !
Lumiukko
Karelian Proper
New written karelian
–