Texts
Return to list | edit | delete | Create a new | Statistics | ? Help
Sidorkin, Valerii. Teijät kuččuu Lumikuninkatar
Sidorkin, Valerii
Teijät kuččuu Lumikuninkatar
Karelian Proper
New written karelian
Karjalan
taitomusejošša pakkaiskuun loppuh šuaten toimiu Lumikuninkattaren šalaisuot -nimini näyttely .Še on omissettu piäasiešša uuvvenvuuvven pruasniekoilla .
Näyttely on luajittu peruštuon Gans Hristian Andersenin Lumikuninkatar-starinah .Musejon enšimmäisen kerrokšen joka šali šai oman nimen .
Kaupunki-nimiseh šalih on ašetettu pienie taloja skandinavisešša tyylissä , kumpasie luajittih tunnetun kuklataiteilijan L’ubov’ Malinovskajan Pieni mua -luomiskeškukšen jäšenet .Šamoin petroskoilaisien , moskovalaisen ta piiteriläisien taiteilijien akvarellimualaukšet ta grafikka Taitomusejon varaštoloista on omissettu kaupunkin aihiella .Šali on lähtökohta , mistä Gerda läksi eččimäh Lumikuninkattaren varaštamua Kai-veikkuo .
Toisešta šalista tuli Taikatarha , mih Gerda joutu oman matan alušša .Šiinä esillä on kukka-ašetelmie šemmosilta taiteilijilta kuin Valerii ta Natalja Košelevit , Aleksandr Trifonov , Aleksandr Kaštanov , Vladimir Veselov , Irina Peregorodina , Artur Fonvizin .
Kolmaš šali tuli Prinssin ta prinsessan linnakši , kumpani niise tuli Gerdalla vaštah matan aikana .Šiinä on näyttelyn aihiella omissettuja tauluja Jevgenii Sudakovilta , Aleksandr Haritonovilta , Vladimir Ivanenkolta , Jurii Korol’ovilta .
Šen jälkeh kävijä aštuu nellänteh šalih ta joutuu Lumikuninkattaren čuarilah .Iče Lumikuninkatar Marina Ustinovan luatiman kuklan muuvvošša ottau vaštah kävijie ovella .Hänen starinamaini linna on niise luajittu Pieni mua -keškukšešša .Lisäkši näyttelyššä voipi nähä talvimaisemie Kristina Skaldinalta , Irina Černihilta , Vladimir Lobanovilta , Oleg Savost’ukilta , Jurii Lomkovilta šekä toisilta petroskoilaisilta ta piiteriläisiltä taitomualariloilta .
Näyttelyn tärkein kohta on Gerdan ta Kain pitälti vuotettu tapuamini .Šiinä on disainerin Irina Pankovan luatima Lumikuninkattaren valtaissuin , kumpani on tarkotettu valokuvatilalla .
On mainittava , jotta kaikissa nelläššä šalissa on Tamara Jufan mainijoja kuvitukšie Karjala-kuštantamon vuotena 1977 painamah Lumikuninkatar-kirjah .A šalien ikkunoja korissetah laserilla muovilla leikatut kuvat vaštuajašta aihiešta .Niijen töijen luatija niise on Irina Pankova .
– Nykyaikani musejokieli auttau järještyä pakinua ikuhisista starinamaisista aiheista : hyväštä ta pahašta , muissošta ta unohukšešta . Uuši näyttely on mielenkiintoni lapšilla ta aikuhisilla .Parempi olis tulla koko perehellä , on varma näyttelyn kurattori Julija Fokina .
Teijät kuččuu Lumikuninkatar
Karelian Proper
New written karelian