Texts
Return to list | edit | delete | Create a new | Statistics | ? Help
Ol’ga Dubitskaja. Korgiesti arvostetut karjalazet
Ol’ga Dubitskaja
Korgiesti arvostetut karjalazet
Livvi
New written Livvic
Mennyt
nedälil Kanzallizen muzein seinis kiitettih da palkittih hyväs ruavos Karjalan tazavallan eläjii .
Palkičuspivon tervehtyspaginal avai tazavallan piämies Aleksandr Hudilainen .Häi sanoi , ku tuli jo hyväkse perindökse jagua Ven’an federatsien da Karjalan tazavallan kunnivokirjazii moni kerdua vuvves .Piämies on varmu , ku joga kerdua arvostettuloin ristikanzoin lugu kazvau .
Kunnivokirjazet suadih Karjalan parahat tiedomiehet , liäkärit , opastajat , kul’tuurualan ruadajat da kirjuttajat .Ven’an federatsien prezidentan kunnivokirjazen sai Karjalan Druamu-teatran artistu Aleksandr Lisitsin , mies äijän vuottu ruadau teatras da kehittäy Ven’an kul’tuurua .Prezidentan toine kunnivokirjaine annettih Petroskoin valdivonyliopiston ekoulogu-biolougizen tiedokunnan dekanale Ernest Ivanterale , kudai valmistau oman tiedoalan hyviä spetsialistua .
Arvostettu liäkäri -arvonimen sai Sergei Petrasov , hirurgu Kostamuksespäi .Kul’tuuran arvostettuloikse ruadajikse sanottih Ivan Gerasin Uvves Vilgas , Jelizaveta Kn’azeva Šuojus , L’udmila Sorokina Petroskoispäi , Anukselaine Irina Stappijeva da Kondupohjan eläi Anna Fitisova .
– Tiettäväne , ristikanzan palkindon tagan on suuri ruado , ruadodovarišoin da opastajien kannatus da abu , sanoi kul’tuurualan kunnivoittu ruadai , Petroskoin muuzikkukolledžan opastai Tatjana Ananjeva .
Kunnivokirjazet suadih toiziengi ruadoaloin spetsialistat : žurnalistu Anatolii Tsigankov , jiäkur’oih kižuajien valmistai Aleksandr Bogatir’ov , ekonomistu Svetlana Klimovič , leivänpastai Klavdija Kirillova .
Karjalan tazavallan Kanzallizen arhiivan piälikkyö Ol’ga Žarinovua kiitettih Ven’an federatsien prezidentan administratsien puoles Voiton päivän pidoloin valmistamizes .
Pahakse mieldy , Karjalan tundiettu runoilii da kirjuttai
Ivan Kostin palkittih jo kuolendan jälles .Ivan Aleksejevič siirdyi toizele ilmale 29. ligakuudu 2015.Kunnivokirjazen sai kirjuttajan tytär Jelena Denisova .
Korgiesti arvostetut karjalazet
Livvi
New written Livvic