Texts
Return to list | edit | delete | Create a new | Statistics | ? Help
Ol’ga Dubitskaja. Paras lapsienliäkäri eläy Priäžäs
Ol’ga Dubitskaja
Paras lapsienliäkäri eläy Priäžäs
Livvi
New written Livvic
Mittuine
ammatti on kyzyttävin muailmas ?Äijät sanotah , gu se on liäkärin ammatti .Ilmai liäkärii ristikanzu ei voi rodivuo .Enzimäine ristikanzu , kudai vastuau vaste rodivunnuttu lastu on liäkäri .Sit enzivuvvennu täl ilmal eläjes lastu puaksuh talutah liäkärih .Liäkäril on tärgei merkičys jogahizen ristikanzan elaijas .
Tervehyönhoijon - da sotsiuallizen kehittämizen ministerstvas 25. kylmykuudu palkittih liäkärilöi , kuduat roittih voittajikse Meijän armas liäkäri -kilvas .
Kanzalline tunnustamizen kilbu "Meijän armas liäkäri "
järjestettih Karjalan tazavallan halličus da Tervehyönhoijon - da sotsiuallizen kehittämizen ministerstvu .Kilbu kesti kuun aigua – 20. ligakuudu 20. kylmykuudu .Kilbah yhtyi 560 lapsienliäkärii .Saital pandih kirjoile 6798 hengie , omis armahis liäkärilöis iänestettih enämbi 8850 Karjalan tazavallan eläjiä .
Kilvas oli kaksi nominatsiedu – pediatrat da spetsialistat .Jogahizes nominatsies oli viizi voittajua .Parahakse lapsien liäkärikse tuli L’udmila Amosova , kudai eläy Priäžäs da ruadau Priäžän piirin keskibol’ničas .Toizennu on pediatru Irina Antošina Petroskoin linnan lapsien polikliiniekaspäi n :o 1.Parahikse alovehien pediatroikse roittih Aleksandra Ponomar’ova Segežan piirin keskibol’ničaspäi , Julija Nesterova , Priäžän piirin keskibol’ničan ruadai da Petroskoin linnan lapsien polikliiniekas n :o 2 ruadai Anna Neverova .
Parastu spetsialistua sežo on viizi .Niilöin joukos Tazavallan lapsien bol’ničan endokrinoulogu petroskoilaine Tatjana Varlamova , Segežan piirin keskibol’ničan pul’monoulogu Aleksandra Žoludeva , hammasliäkäri Jelena Doborovič Petroskoin lapsien stomatolougizes polikliiniekaspäi , Petroskoin linnan lapsien polikliiniekan n :o 2 nevroulogu Gul’žan Sakbajeva da Petroskoin lapsien bol’ničan kardiolougu Anna Šl’ahtenkova .
Tämän kilvanke yhtes piettih toine kilbu , kuduas lapset piirrettih omii liäkärilöi .Liäkärit suadih ližäkse arvostusballua lapsien kuvis .Kaikkiedah kilbah oli työtty 795 čomastu , da voittajua piirustettuloin liäkärilöin joukos rodih viizi hengie .Enzimäzekse tuli L’ubov’ Amosova Priäžäs , Vladislav Žirnov Petroskois , Veronika Tolkačeva Priäžäs , Natalja Amosova Priäžäs da Dmitrii Novojavčev Priäžäspäi .Sit lapset , kuigi liäkärit , suadih hyvät lahjat da kunnivokirjat .
Pidäy sanuo , ku 20. kylmykuudu pietäh pediatran päiviä da Meijän armas liäkäri -kilvas voitto on hyvä lahju ammattipruazniekakse .
– Lapsennu tahtoin olla liäkärinny . Hyvänny ezimerkinny minule oli muamo , kudai enämbi 40 vuottu ruadoi tervehyönhoijon alal .Minä hyvin tiezin , mittuine vaigei se ammatti on , ga en pahoittelei ni yhty , ku olen vallinnuh liäkärin ammatin , sanoi Anna Šl’ahtenkova .
Nämä sanat vie kerran ozutetah , gu liäkäri ei ole ammatti , se on ozan lepitty ruado .
Paras lapsienliäkäri eläy Priäžäs
Livvi
New written Livvic