Texts
Return to list | edit | delete | Create a new | Statistics | ? Help
Ol’ga Dubitskaja. Deleguattua vallites
Ol’ga Dubitskaja
Deleguattua vallites
Livvi
New written Livvic
Omua
mieldy Karjalazien VIII kerähmön vallittuloin nevvoston ruavos da tulieh kerähmöh valmistandas saneli Ol’ga Žarinova , kudai oli Karjalazien VII kerähmön vallittuloin nevvoston piälikönny .
- Kui sinä arvostat Karjalazien VIII vallittuloin nevvoston da sen piälikön ruaduo ?
- Hyvin . Tavan mugah eri piirilöin edustajat kerävytäh nevvoston istundoloile kaksi kerdua vuvves .Kogo joukol emmo kerdynyh nikonzu , loittozis piirilöis jugei on piästä linnah , ei kaikin voidu tulla .Tiettäväine , rahvasgi ollah eriluaduzet – erähät aktiivizet , erähät ei .Yhtelläh arvostelen nevvoston ruaduo hyvin .
- Midä vuotat uvves piälikös ?
- Toivon , nevvoston piälikkö suau sobuh karjalazii . Yhtes venehes olemmo , pidäs toine tostu kannattua da auttua kaikkii – vienankarjalazii , liygiläzii , lyydiläzii .Nygöi joga järjestö ruadau oman pluanan mugah , ei ole himuo ruadua yhtes .Olis hyvä , gu uuzi piälikkö da vallittuloin nevvosto suadas yhteh Petroskoin da kai tazavallan karjalazien väit da ruattas yhtehizen ruavon hyväkse .
- Midä mieldy olet sih nähte , ku Karjalazien kerähmo pietäh kahteh päiväh (enzimäine päivy Petroskois da toine Veškelykses )?
- Se on hyvä , roih aigua kaikil sanuo omat mielet da toivomukset . Veškelykseh tulduu suau nähtä , kui da midä eläy nygyaigaine karjalaine kylä , kui muutui Veškelys jälgivuozil .Sie eletäh aktiivizet karjalazet , on hyvä järjestö .
- Kui sinä arvostat karjalazien liittoloin tuliedu aigua ?
- Atkalah . Vie kerran sanon , on meile aktivistua , kui nuordu , mugai vahnembua polvie , hyvin ruatah organizatsiet , ga ei ole yhtevytty heijän keskes .Ei ole mostu ristikanzua , kudai yhtistäs meidy .Se , pahakse mieldy , ei luaji meidy vägevembäkse .
Pyzymmö elos , ku säilytännemmö se , mi jo on suitettu da suannemmo nuorižuo .Kerähmöh pidäy vallita niilöi , kuduat on jo ruattu midätah da voijah nevvuo toizii .Olen sidä mieldy , ku kehittiä deleguatakse yliopastujua , kuduadu niken ei tiijä , on vie aijoi .Hyö voijah oppie omua vägie , ezimerkikse MAFUNas .
- Eigo ozuttai , gu valmistamine Kerähmöh menöy kiirehes ? Toinah ei kai rodei valmis aijalleh .
- Kiirehel valmistujes ainos midägi jiäy bokkah . Nygöi vallittuloin nevvosto ruadau .Kačommo , ket tullah kerähmöh deleguatoikse .Minä duumaičen , ku ei rodei suurdu vigua valmistujes , kai roih hyvin .Sidä , mi on muuttunuh täs kolmes vuvves , myö näemmö Kerähmös .
Deleguattua vallites
Livvi
New written Livvic