VepKar :: Texts

Texts

Return to list | edit | delete | Create a new | Statistics | ? Help

Ol’ga Dubitskaja. Parahat projektat ičeväil luajitut

corpus: Journalistic texts

Source:
Oma mua. № 48, 2015, p. 4

Ol’ga Dubitskaja

Parahat projektat ičeväil luajitut

Livvi
New written Livvic
Paikallizien alguhpanoloin kannatus -programmu toimiu Karjalan tazavallas jo tostu vuottu, vuvvennu 2015 tazavallas on todevuttu 41 projektua. Mennyt nedälil Petroskoil piettih programman parahien projektoin prezentatsii.
Tämän programman hantuzis Karjalan tazavallan kylien da linnoin eläjät iče vallitah midä pidäy luadie juuri heijän eländykohtas.
Tazavallan b’udžiettu andau kyläle libo linnale 85% varua projektan hinnas, kyläl (linnal) pidäy maksua 10%; kyläläzet (linnalazet) sežo luajitah oma panos – 5 %.
Enne kaikkie projektoin mugah kohendetah kul’tuuruobjektoi, toizel sijal – lapsien kižuandukohtat da stadionat, kolmandel sijal – eländykohtien alovehen kunnostamine.
Priäžäläine Jekaterina Jefremova saneli prezentatsies, kui heijän kyläh rodih luistelikko, kuduan luadimizeh meni 1 miljonu 200 tuhattu rubl’ua. Paikallizet eläjät kerättih 230 tuhattu rubl’ua, paikallizes b’udžietaspäi projektah suadih 300 tuhattu rubl’ua da dostalit den’gat annettih Paikallizien alguhpanoloin kannatus -programman hantuzis.
Gu suittua den’gua luistelikkoh niškoi, aktivistat järjestettih maksullizii master-kluassoi, freemarket -laukkoi da diskotiekkoi. Luistelikon avajazet piettih 18. ligakuudu.
Belomorskan nuorižon nevvostoh kuului Anna Kal’užn’ak saneli Suvaičuksen puu -mustopaččahan luajindas. Annan sanoin mugah, jugevin ruado oli suaha den’gat paikallizis eläjis. Ga yhtelläh kerättih 236 tuhattu 652 rubl’ua, mi on 22% projektas. Muga projektah oli suadu 1 miljonu 666 tuhattu rubl’ua da vie 300 tuhattu rubl’ua annettih paikallizes b’udžietaspäi tulen suamizeh.
Mägrien kylä jo tostu vuottu yhtyy programmah. Paikallizen administratsien piälikkö Alevtina Kozlovan sanoin mugah, Mägriel on äijy probliemua, ga rahvas piätettih panna kundoh vezibutki. Ruado algavui jo vuvvennu 2014. Vuvven 2015 allus oli kohendettu jo 10,3 kilometre vezibutkie. Vuvvennu 2015 paikallizet eläjät kerättih 840 tuhattu rubl’ua.
Segežan piirin eläjät tahtottih luadie juodavan vien kaivot. Oli piätetty luadie kuuzi kaivuo – nelli Idel’as, yksi Kočkomas da yksi Lososij-kyläs.
Programman hyvyös tänävuon oli luajittu jiäkur’oikontu Suojärveh, stadionu Uudeh Vilgah, oli kohendettu Velikaja Guba -kylän kul’tuurutalo, Louhen kul’tuurutalois kohendettih lämmityssistiemu, Jyškyjärves kohendettih sildu Čirka-Kem’ joves poikki.
Paikallizien alguhpanoloin kannatus -programman hyvyös rahvas ruvettih uskomah, gu ičeväil voibi piästä vaigevuksis läbi.

Dubitskaya, Olga

Лучшие проекты сделаны своими силами

Russian
Программа поддержки местных инициатив действует в Карелии уже второй год, в 2015 году осуществлён 41 проект. На прошлой неделе в Петрозаводске прошла презентация лучших проектов программы.
В рамках этой программы жители городов и деревень республики Карелия сами выбирают, что нужно сделать именно в их населённом пункте.
Из бюджета республики выделяется 85% от стоимости проекта, деревне (городу) нужно заплатить 10%, жители деревни (города) тоже делают свой вклад – 5%.
Прежде всего, с помощью проектов ремонтируют культурные объекты, на втором месте – детские площадки и стадионы, на третьем месте – приведение в порядок придомовых территорий.
Пряжинка Екатерина Ефремова рассказала на презентации, что у них в посёлке появится каток, на строительство которого ушёл 1 200 000 рублей. Местные жители собрали 230 тысяч рублей, из местного бюджета на проект получили 300 тысяч рублей, а остальные средства выделили в рамках программы Поддержки местных инициатив.
Чтобы собрать деньги на каток, активисты организовывали платные мастер-классы, фримаркеты и дискотеки. Открытие катка прошло 18 октября.
Член молодёжного совета Беломорска Анна Калюжняк рассказала о памятнике Дерево любви. По словам Анны самым сложным было собрать деньги с местных жителей. Но всё равно собрали 236 тысяч 652 рубля, что составляет 22% от суммы проекта. Таким образом, на проект было получено 1 666 000 рублей и ещё 300 тысяч рублей выделили из местного бюджета на освещение.
Мегрега уже второй год участвует в программе. По словам главы местной администрации Алевтины Козловой в Мегреге много проблем, но народ решил привести в порядок водопровод. Работа началась в 2014 году. В начале 2015 года было отремонтировано уже 10,3 километров водопровода. В 2015 году местные жители собрали 840 тысяч рублей.
Жители Сегежского района хотели сделать колодцы с питьевой водой. Было принято решение сделать шесть колодцев – четыре в посёлке Идель, один в Кочкоме и один в деревне Лососий.
Благодаря программе, в этом году была сделана хоккейная коробка в Суоярви, стадион в Новой Вилге, был отремонтирован дом культуры в посёлке Великая Губа, в Лоухском доме культуры отремонтировали систему отопления, в Юшкозере отремонтировали мост через реку Чирка-Кемь.
Благодаря программе поддержки местных инициатив народ начал верить, что своими силами можно преодолеть трудности.
The site was created by the staff of the Karelian Research Center of the Russian Academy of Sciences
You can freely use the materials of our site and share them, most importantly - indicate authorship and a link to our resource.
More about the CC BY 4.0 license
© VepKar. Open corpus of Veps and Karelian languages