Texts
Return to list | edit | delete | Create a new | Statistics | ? Help
Marija Kirillova. Karjalašša kuvatah filmie Onegan kallivopiirrokšista
Marija Kirillova
Karjalašša kuvatah filmie Onegan kallivopiirrokšista
Karelian Proper
New written karelian
Tašavallašša jatkuu
Kivikirjan uartehet -projekti .Nuoret spesialistit luajitah dokumenttikino , jotta šäilyttyä ta popularisoija Onegan kallivopiirrokšija .
Projektin tavoittehena on šäilyttyä ta luatie tunnetukši Karjalan tašavallan eläjillä alovehen ainutluatuista kulttuurikoodie yhen šen olennaisen elementin – alkukantasen kauven kallivokuvataijon muistomerkkien kautti .Projekti jatkuu šulakuuh 2026 šuaten ta šisältäy monie nuoriso-opaššuštilaisukšie , kumpasien tarkotukšena on kotišeuvun istorijan tutkimini .
Ryhmä šuoritti kuvaukšie Puudožin ta Puudožin piirin alovehella .Enšimmäini pyšäkeh oli A . F . Korabl’ovilla nimitetty Puudožin istoriallis-kotišeutumusejo .Še peruššettih istorijan ta muantiijon opaštajan , kotišeutututkijan Aleksandr Korabl’ovin henkilökohtaseh keryäntähiseh .Vuotena 1970 musejo šai yhteiskunnallisen rahvahanmusejon statussin , ta vuotena 1983 šiitä tuli valtijonmusejo .
Piätapahtumat kuvattih Onegajärven rannan itäpuolella šijoutujilla Besov Nos - ta Peri Nos -niemillä .Arheologini kompleksi šijoutuu Karjalan tašavallan yheššä mahtavimmista paikoista .Šinne piäšöy venehellä Šalla-pos’olkašta tahi Karševon kyläštä : mouttorivenehellä Muštajokie pitin tahi muaštoautolla meččätietä .
Juuri šielä , kallivoilla aivan vejen luona , šijouvutah alkukantasen kauven kallivokuvataijon monumentaliset muistomerkit , mit ajoitetah 4000–3000 vuoteh ennein meijän ajanlaškuo .Niijen kokonaispivuš on 20 kilometrie .
Tunnetuimpie Onegan kallivopiirrokšie ollah piessa , matikka (viikšikala ), šuarva (čičiliušku ).Jokahini kuvijo on ainutluatuni , ta još eryähien aiheijen (kalat , jouččenet , ihmishahmot ) ymmärtämini on šuoraviivaista , ni toiset , kuin päiväni - ta kuumerkit (mit muissutetah avarušalukšie ), noššatetah ymmärtämiseššä kyšymykšie vielä nykyjähki .
Matalla niemien välillä voipi nähä vaikuttavien meččämaisemien lisäkši niise Besov Nos -majakan , mi on oša Volga –Itämeri -vesitietä ta mi toimi vielä tuanoin luotettavana šuunnissušapuna mouttorivenehillä , matkuštajalaivoilla ta jahtoilla .Nykyjäh majakka on pantu kiini , ka šitä voipi ihual’l’a majakan lähellä olijalta näköaluštalta .
Dokumenttikino Onegan kallivopiirrokšista "Kivikirjan uartehet " -projektie toteutetah Rosmolod’ož .Granti-kilpailun tuvella .
Karjalašša kuvatah filmie Onegan kallivopiirrokšista
Karelian Proper
New written karelian