Texts
Return to list | edit | delete | Create a new | Statistics | ? Help
Sidorkin, Valerii. Joka vuosi 31. talvikuuta
Sidorkin, Valerii
Joka vuosi 31. talvikuuta
Karelian Proper
New written karelian
Joka
vuosi 31. talvikuuta -nimini näyttely toimiu Karjalan kanšallisešša musejošša .Še kertou , kuin otettih vaštah Uutta vuotta 50 vuotta takaperin .
Näyttelyn tarkotukšena on antua vierahilla šitä tunnelmua , kumpani on joka vuosi Uuvven vuuvven kynnykšellä , esittyä kun kaikki vuotetah šitä tapahtumua šekä muissuttua , mitein še tapahtu 50 vuotta takaperin .Näyttely on järješšetty šitä varoin luajitušša "korttierissa ", kumpasešša eli tavallini pereh Neuvoštoliiton aikana .
Tuntie vuuvven 1975 talvikuun 31. päivän ilmapiirie autetah Kanšallisen musejon fondien näyttöesinehet šekä šen ruatajien pereharhiivojen muistoesinehet .Ne ollah huonehtarpehet : piäpaikalla on šeinäškuappi , kumpani oli šilloin muotissa ta kumpasešša piettih kirjoja , juhla-ašteita ta erilaisie tavaroja , šekä televiisori ta musiikkišoitin , tranzistori ta tietyšti erivärisellä valoket’ulla korissettu kuuši .
Šen ajan uuvvenvuuvven tunnelmua autetah tuntie ni vanha-aikaset kuušikorissukšet lasista , paperista ta muovista , valoket’ut , helmet , tuohukšet , Pakkaisukon ta Lumineiččyön hahmot , hyvittelykortit , šekä valokuvat pereharhiivoista .Niise esillä on lapšien ta aikuhisien pruasniekkapukujen esimerkkijä .
Näyttelyššä pietäh opaš-retkijä šekä interaktiivisie ohjelmie "Uuvven vuuvven kuuši čuutuo ".
Tuttavuštuo näyttelyh ta piäššä männyön ajan pruasniekkah kerkiet vielä tuiskukuun 1. päiväh šuaten .
Joka vuosi 31. talvikuuta
Karelian Proper
New written karelian