Texts
Return to list | edit | delete | Create a new | Statistics | ? Help
Darja Hil’. “Kuki-rikkun” uded videorolikad oma jo Internetas
Darja Hil’
“Kuki-rikkun” uded videorolikad oma jo Internetas
Veps
New written Veps
Tal’vkus
"Periodika "-painišton Karjalan Valdkundan Rahvahiden sebruden kodiš ezitadihe "Kuki-rikku " -lapsiden jumoristižen videožurnalan kaks’ ut vipuskad .
Prezentacijale tuliba penikaižed artistad , heiden vanhembad , a mugažo projektan sebranikad da abunikad .Mugažo ozatelmaha projektan avtoroid da ühtnikoid tuli Karjalan rahvahaližen da regionaližen politikan ministerstvan ezitai Jekaterina Smirnova .
2025. voz’ om jubileivoz’ "Kuki-rikku "-projektale : sille täudui viž vot . Läksiba 9. da 10. videorolikoiden vipuskad .Kaikuččehe vipuskaha mülüb koume videorolikad Karjalan rahvahiden kelil .Uziden vipuskoiden erigoičuz om siš , miše erased videorolikad oli tehtud penil kacuilpäi sadud scenarijoiden pohjal ."Kuki-rikkun " avtorad tegiba konkursan da valičiba vägestajan scenarijoišpäi . Stepan Ignatjev i Ivan Perec tegihe scenarijoiden konkursan laureatoikš , a Jeva Korobeinikova – vägestajaks .
– Pidab sanuda , miše neniš voziš meiden videožurnal om vajehtanus : mö kaiken aigan naprim paremboita sidä , tehta rolikoid melentartuižembikš , miše ned oližiba ilokahad , veslad . Kaikuččel vodel meile tuleb enamba lapsid – ozutesikš , sil vodel sjomkoihe ühtni enamba 20 last , a mugažo enamba Karjalan Rahvahaližen teatran akt’oroid , – starinoiči üks’ "Kuki-rikku "-projektan avtoroišpäi Maria Šašina .
Prezentacijal oli ani sebraline il’mišt : Galina Baburova da Maria Šašina tegiba penikaižile artistoile da heiden vanhembile melentartuižid i veslid konkursoid , vaumištiba čomid lahjoid kaikuččele ühtnikale .
"Kuki-rikku " -jumoristižen žurnalan ezmäižed rolikad läksiba eloho vodel 2021. Kaikuččel vodel tehtas kaks’ vipuskad .Muloi nece projekt putui "Golos Jevrazii " -festivalin ("Evrazian än’ ") vägestajiden lugetišhe "Parahim programm lapsiden da norišton täht " -nominacijas .Projektad rahatugedab Karjalan rahvahaližen da regionaližen politikan ministerstv .
Edeližiden sezonoiden vipuskad voib kacta projektan VKontakte-gruppas .
“Kuki-rikkun” uded videorolikad oma jo Internetas
Veps
New written Veps