Texts
Return to list | edit | delete | Create a new | Statistics | ? Help
Šorohova Ol’ga . Minun armaz Järvenkülä
Šorohova Ol’ga
Minun armaz Järvenkülä
Veps
New written Veps
Ičen ma
om kalhemb kuldad .Mugoine sana om meiden rahvhal .Mini ofot sanuda ičein Järvenkülän polhe .
Minun külä om čoma , hän om Ojat’-jogirandal da Jälleižel järverandal , a ümbri vuv om äi järvid’ Jälleine järv’ , Sar’järv’ , Šoudjärv’ , Jändjärv’ .Ezmeižen kerdan kirjutiba Järven külän polhe üks’ tuha nel’l’ sadad ühesakime kudendel vodel .Oli kaks’kümne viž pen’t’ küläd , kaik oliba Järvenküläs .
Meiden küläs om ei zavetanpraznikoid’ , Vasiljevoiden mägel om sur’ zavetoiden praznik Tiffinski .Ende babam sanui , mišto necil’ tahol , kus nügde seižub časunik , ozutihe Tiffinski Jumal , ka sen täht sigä om Tiffinski praznikeine .Ühesandel pejal heinkul , keradasoi časunikha elejad , lugetasoi malitvoid , mändas kumardasoi Jumalale , jäl’ges mändas ojale , Jumalan pestas vedes , jäl’ges vedes pezetasoi rožan , ken-se ka i kül’bese , ottasoi vet i kod’he .Jäl’ges kaks’ mest’ pidädas Jumalan , a ristitud kaik čukoidas Jumaleižen i proitasoi Jumaležen al , jättasoi kaiken huban .Konz ken se läžegandeb , ka sil’ vedel peziba läžujan mehen , hänele tegihe kebnemb .Nügde gi keradase äi rahvast necile praznikeižele .
A minun Krisanmägel vuv om praznikeine Kazanski .A min’ täht Kazanski ?Ka saneliba , mišno ei živatoid’ läžui i koliba ühtel vodel , a Haračojanno ozutihe Kazanski i sen täht sigä oli sur’ kivi , kudamenno käveltasoi da pakitas tervhut živatoile .A ende küksiba živatoid’ ojale , jotiba vedel da pezetiba , kod’he gi toiba vet , tanhou valoiba , živatoid küstasoi Jumaležen al , mišto andeiž tervhut .Mugomad verod oma meiden mal .
Järven taga vuv praznoitadasoi Il’l’anpejan .Järverandas om sur’ kivi , ka se taho om zavetni .Konz-se baboi saneli mišto sigä tahol ozutihe sur’ pacas savud i sigä tahol jäi sur’ kivi kuvanke , pä šlemas .Il’l’janpejal paniba zavetad kivenno i pakičiba ičeze holen , mišto hän proideiž .Tari oli kaika pörtas nečinno tahonno lahjoideke .
A vuv Hübjoilas eli rozbeinik , kucuiba händast Rämzä .Hän vorui heboiden telegoišpei sӧndan da sobad bohatilpei i andeli nene tavarad niššatoile .Bohatad vareižiba , a niššatad kumarzihesoi hänele .
Minun muštos , minun Järviš oli sur’ sovhoz , kus radoi ei rahvast , oli tannaz lehmideke , tannaz vazoideke .Diki äjan maidod lüpsiba koruvnicad .Oli škol , kuna käveliba lapsed , lopiba kahesa klassad , da jäl’ges ken mäni Vidlan küläha opendamhas , a ken i Podporožjen lidnaha opendushe .Oliba mectanhad , kus kaičiba da kazvatiba mecan .Kaikuižes küläs oli piloram .Maidon primiba eleilpei .
Kul’turanpert’ nügde gi radab , sigä tehtasoi koncertad , praznikad , norištole kargud , lapsile vändod .I kaičiba vuv lugejanpertin , kuna Järvenkülän elejäd käveltasoi , ottasoi kod’he lugm’ah’a .Kezov om ei adivoid’ tuvnu küläha , ka rahvhast om enamb , a tal’vel rahvast vähä eläb .
Minun armaz Järvenkülä
Veps
New written Veps